ຂ່າວທົວໄປ

👏 👏 ປະກາດສ້າງຕັ້ງ ປ່າສະຫງວນແຫ່ງຊາດ ແຫ່ງໃໝ່ ທີ່ ແຂວງຊຽງຂວາງ ຢ່າງເປັນທາງການ !!

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ



👏 👏 ປະກາດສ້າງຕັ້ງ ປ່າສະຫງວນແຫ່ງຊາດ ແຫ່ງໃໝ່ ທີ່ ແຂວງຊຽງຂວາງ ຢ່າງເປັນທາງການ !!

ປ່າສະຫງວນແຫ່ງຊາດ ຍອດນໍ້າໂມ້-ພູສາມສຸມ ໄດ້ຮັບການສ້າງຕັ້ງໃຫ້ກາຍເປັນປ່າສະຫງວນແຫ່ງຊາດຢ່າງເປັນທາງການ ໂດຍອີງຕາມດໍາລັດເລກທີ 87/ນຍ, ລົງວັນທີ 15 ມີນາ 2022, ລົງລາຍເຊັນໂດຍ ທ່ານ ພັນຄໍາ ວິພາວັນ ນາຍົກລັດຖະມົນຕີແຫ່ງ ສປປ ລາວ.

.
ປ່າສະຫງວນແຫ່ງຊາດ ຍອດນໍ້າໂມ້-ພູສາມສຸມ ຕັ້ງຢູ່ພາກເໜືອຂອງ ສປປ ລາວ ເຊິ່ງກວມເອົາເນື້ອທີ່ຈາກ 02 ເມືອງໄດ້ແກ່: ເມືອງຄູນ ແລະ ເມືອງໝອກ ແຂວງຊຽງຂວາງ.

.
ປ່າສະຫງວນແຫ່ງຊາດ ຍອດນໍ້າໂມ້-ພູສາມສຸມ ມີເນື້ອທີ່ທັງໝົດ 98.873 ເຮັກຕ້າ (ເກົ້າສິບແປດພັນແປດຮ້ອຍເຈັດສິບສາມ ເຮັກຕ້າ) ໃນນັ້ນກວມເອົາພື້ນທີ່ຂອງເມືອງໝອກເຖິງ 86.598 ເຮັກຕ້າ (ແປດສິບຫົກພັນຫ້າຮ້ອຍເກົ້າສິບແປດ ເຮັກຕ້າ) ແລະ ເມືອງຄູນ ກວມເອົາ 12.275 ເຮັກຕ້າ (ສິບສອງພັນສອງຮ້ອຍເຈັດສິບຫ້າ ເຮັກຕ້າ)
.

ປ່າສະຫງວນແຫ່ງດັ່ງກ່າວ ແມ່ນໄດ້ຮັບການສະໜັບສະໜູນທຶນຈາກຫຼາຍພາກສ່ວນເພື່ອນໍາໃຊ້ເຂົ້າໃນການຄຸ້ມຄອງ, ປົກປັກຮັກສາ ແລະ ພັດທະນາປ່າສະຫງວນ ເຊິ່ງໄດ້ແກ່:
.

ງົບປະມານຈາກພາກລັດ, ກອງທຶນປົກປັກຮັກສາປ່າໄມ້, ກອງທຶນປົກປັກຮັກສາສິ່ງແວດລ້ອມ, ການປະກອບສ່ວນຂອງກິດຈະການ ຫຼື ໂຄງການທີ່ດໍາເນີນຢູ່ໃນເຂດປ່າສະຫງວນ ຫຼື ພື້ນທີ່ໃກ້ຄຽງທີ່ສົ່ງຜົນກະທົບຕໍ່ປ່າສະຫງວນ, ກອງທຶນທ່ອງທ່ຽວແຫ່ງຊາດ, ການປະກອບສ່ວນຈາກບຸກຄົນ, ນິຕິບຸກຄົນ ແລະ ການຈັດຕັ້ງຂອງລັດ, ເອກະຊົນພາຍໃນ ຫຼື ຕ່າງປະເທດ ແລະ ອື່ນໆ.
.

ຈຸດປະສົງຫຼັກໃນການສ້າງຕັ້ງປ່າສະຫງວນແຫ່ງຊາດ ຍອດນໍ້າໂມ້-ພູສາມສຸມ ກໍເພື່ອແນໃສ່ຄຸ້ມຄອງ, ປົກປັກຮັກສາ ລັກສະນະສະເພາະທີ່ໂດດເດັ່ນ ພູມສັນຖານເປັນຜາສູງ, ຫີນເປັນຊັ້ນໆ, ປ່າດົງດິບ, ປ່າໄມ້ຮິ້ງຫອມ, ໄມ້ໂລ່ງເລງ, ພູມິທັດທົ່ງຫຍ້າ, ຫຼາກຫຼາຍທາງດ້ານຊີວະນາໆພັນ, ຖິ່ນອາໄສຂອງພັນສັດ, ພັນພືດ ແລະ ເຄື່ອງປ່າຂອງດົງ, ຮ່ອງຮອຍປະຫວັດສາດ ແລະ ວັດທະນະທໍາທີ່ມີຄວາມສໍາຄັນຕໍ່ການທ່ອງທ່ຽວອະນຸຮັກ, ຮັກສາໄວ້ເຖິງຄວາມສວຍງາມຂອງທິວທັດທໍາມະຊາດ, ສຶກສາຄັ້ນຄວ້າທາງດ້ານວິທະຍາສາດ ປະກອບສ່ວນເຂົ້າໃນການປັງປຸງຊີວິດການເປັນຢູ່ຂອງປະຊາຊົນ ແລະ ພັດທະນາເສດຖະກິດ-ສັງຄົມ ຕາມທິດສີຂຽວ ແລະ ຍືນຍົງຂອງຊາດ.

ທີ່ມາ: ໜ່ວຍງານສົ່ງເສີມ ການພັດທະນາຊັບພະຍາກອນທຳມະຊາດ ແລະ ສິ່ງແວດລ້ອມ

ຮູບຈາກ : Alaotheworld

Related Articles

Leave a Reply

Your email address will not be published.

Back to top button