ຂ່າວທົວໄປ

ໜ້າຫ່ວງ! ປະເທດລາວ ຍັງພົບຜູ້ຕິດເຊື້ອເຮສໄອວີ/ພະຍາດເອດ ຫຼາຍກວ່າ 1.500 ຄົນ/ປີ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ



ໜ້າຫ່ວງ! ປະເທດລາວ ຍັງພົບຜູ້ຕິດເຊື້ອເຮສໄອວີ/ພະຍາດເອດ ຫຼາຍກວ່າ 1.500 ຄົນ/ປີ

ສູນຕ້ານເອດ ແລະ ພະຍາດຕິດຕໍ່ທາງເພດສຳພັນ (ພຕພ) ແຈ້ງໃຫ້ ຮູ້ວ່າ: ປະເທດລາວຍັງພົບຜູ້ຕິດເຊື້ອເຮສໄອວີ/ພະຍາດເອດ ຫຼາຍກວ່າ 1.500 ຄົນ/ປີ ຊຶ່ງກຸ່ມຊາຍມີເພດສຳພັນກັບຊາຍ ຍັງຕິດເຊື້ອສູງ ນອກນັ້ນການສົ່ງເຊື້ອຈາກແມ່ຫາລູກກໍ່ເຫັນວ່າມີທ່າອ່ຽງສູງຂຶ້ນ, ສິ່ງທ້າທາຍໃນການປ້ອງກັນພະຍາດນີ້ຢູ່ປະເທດລາວແມ່ນບັນຫາທາງດ້ານງົບປະມານຍັງມີຂີດຈຳກັດ ແລະ ແຮງງານເຄື່ອນຍ້າຍກໍມີຫຼາຍ ເຮັດໃຫ້ຍັງມີຄວາມສ່ຽງຕໍ່ການຕິດເຊື້ອເຮສໄອວີ

ສູນຕ້ານເອດ ແລະ ພຕພ ແຈ້ງໃຫ້ຮູ້ຕື່ມອີກວ່າ: ຕາມແຜນແລ້ວ, ພາຍໃນປີ 2025 ຈະຕ້ອງບັນລຸເປົ້າໝາຍໃໝ່ໃນການປິ່ນປົວພະຍາດ ດ່ງກ່າວໃຫ້ໄດ້ 95-95-95 ແລະ ພ້ອມນີ້ຈະກຽມພ້ອມຢຸດຕິການແຜ່ ລະບາດຂອງເຊື້ອເຮສໄອວີ ແລະ ບັນລຸເປົ້າໝາຍການພັດທະນາແບບ ຍືນຍົງ (SDC) ໃນປີ 2030. ໃນປີ 2022 ມີຜູ້ທີ່ຕ້ອງການໆປິ່ນປົວ ດ້ວຍຢາ ARV ເພີ່ມຂຶ້ນ ຊຶ່ງປັດຈຸບັນຜູ້ມີໜ້າກິນຢາທົ່ວປະເທດຈຳນວນ 8.864 ຄົນ, ໂຄງການມູນນິທິປິ່ນປົວພະຍາດເອດ (AHF) ປະຈຳລາວ ຖືວ່າເປັນໂຄງການໜຶ່ງທີ່ຊ່ວຍເຫຼືອດ້ານງົບປະມານໃຫ້ສູນຕ້ານເອດ ແລະ ພຕພ, ສະເພາະ 4 ປີຂ້າງໜ້າ (2022-2025) ທາງໂຄງການ AHF ໄດ້ຊ່ວຍເຫຼອງົບປະມານ 21 ຕື້ 651 ລ້ານກວ່າກີບ ຊຶ່ງເປັນ ໄລຍະທີ 2 ເພື່ອປັບປຸງວຽກງານສະກັດກັ້ນ ແລະ ຕ້ານເຊື້ອເຮສໄອວີ/ ພະຍາດເອດຢູ່ລາວໃຫ້ມີຄວາມເຂັ້ມແຂງ.

ທີ່ມາ: ວຽງຈັນທາມ ຂໍ້ມູນ: ສູນຕ້ານເອດ ແລະ ພຕພ

Related Articles

Leave a Reply

Your email address will not be published.

Back to top button