ຂ່າວທົວໄປ

ຣັດເຊຍ ເອົາຄືນ! ລະງັບການສົ່ງອອກສິນຄ້າກວ່າ 200 ຊະນິດ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ



ຣັດເຊຍ ເອົາຄືນ! ລະງັບການສົ່ງອອກສິນຄ້າກວ່າ 200 ຊະນິດ ແລະອາດຍຶດຊັບບໍລິສັດທີ່ຄວ້ຳບາດ.

ລ່າສຸດ! ຣັດເຊຍ ອອກມາປະກາດວ່າ ຈະລະງັບການສົ່ງອອກສິນຄ້າກວ່າ 200 ຊະນິດ ຍາວໄປຈົນເຖິງໝົດປີນີ້ໂດຍສິນຄ້າທີ່ຖືກລະງັບ ປະກອບໄປດ້ວຍອຸປະກອນເທັກໂນໂລຢີ, ອຸປະກອນການສື່ສານ ແລະອຸປະກອນການແພດ, ຍານພາຫະນະ, ເຄື່ອງຈັກການກະເສດ, ອຸປະກອນເຄື່ອງໃຊ້ໄຟຟ້າ.

ແລະບອກວ່າ ຈະຢຶດຊັບສິນຂອງບໍລິສັດທີ່ຖອນຕົວ ຫລືລະງັບການເຮັດທຸລະກິດທີ່ຣັດເຊຍ ຫຼັງຈາກທີ່ບໍລິສັດເອກະຊົນແລະປະເທດຕ່າງໆ ແຫ່ກັນຂວ້ຳບາດຣັດເຊຍທັງນີ້, ຈາກຄຳສັ່ງລະບຸວ່າ ມາດຕະການລະງັບການສົ່ງອອກນີ້ ຈຳເປັນຕໍ່ການສ້າງສະຖຽນລະພາບໃຫ້ກັບຕະຫລາດຣັດເຊຍຊຶ່ງຈະມີຜົນກັບທຸກໆປະເທດ

ຍົກເວັ້ນສະມາຊິກຂອງ Eurasian Economic Union ແລະພູມິພາກທີ່ແຍກອອກມາຈາກ Georgia ໃນ South Ossetia ແລະ Abkhazia ພ້ອມທັງ, ຣັດເຊຍຍັງຫ້າມການສົ່ງອອກໄມ້ບາງຊະນິດ ໄປຍັງປະເທດທີ່ທຳການອັນບໍ່ເປັນມິດຕໍ່ຣັດເຊຍ

ແລະຍັງຫ້າມການສົ່ງອອກທັນຍະພືດ ໄປຍັງປະເທດທີ່ເປັນອະດີດສະມາຊິກໂຊວຽດ ທີ່ເປັນສ່ວນຫນຶ່ງຂອງສະຫະພາບເສດຖະກິດຢູເຣເຊຍ (EEU) ທີ່ຈະມີຜົນຕັ້ງແຕ່ວັນທີ 15 ມີນາ – 31 ສິງຫາ. ລວມເຖິງຢຸດການສົ່ງອອກນ້ຳຕານນອກເຂດ EEU ພ້ອມ ສຳລັບເລື່ອງຢຶດສິນຊັບຂອງບໍລິສັດເອກະຊົນ ທີ່ຂວ້ຳບາດແລະຖິ້ມທຸລະກິດໃນຣັດເຊຍລັດຖະບານຣັດເຊຍບອກວ່າ ຈະດຳເນີນການດ້ວຍວິທີທີ່ຖືກກົດຫມາຍ..

ໂດຍທາງວະລາດີເມຍ ປູຕິນ ໄດ້ອອກກ່າວໃນຖະແຫລງການວ່າ: “ຣັດເຊຍຈຳເປັນຕ້ອງດຳເນີນການຂັ້ນເດັດຂາດ ກັບບໍລິສັດທີ່ຕັດສິນໃຈຢຸດກິດຈະການໃນຣັດເຊຍ”ຊຶ່ງອາດຈັດການດ້ວຍການຖ່າຍໂອນກິດຈະການຂອງບໍລິສັດເຫຼົ່ານັ້ນ ໄປຢັງບໍລິສັດເອກະຊົນຂອງຣັດເຊຍ ທີ່ຕ້ອງການດຳເນີນກິດຈະການນັ້ນໆຕໍ່ ແລະບໍລິສັດທີ່ວ່າ ກໍມີທັງບໍລິສັດຈາກສະຫະລັດ, ເອີຣົບ ແລະຍີ່ປຸ່ນ ເຊັ່ນ McDonald’s, Coca-Cola, Apple, H&M, IKEA, Toyota, Volkswagen, Microsoft, IBM, ບໍລິສັດນ້ຳມັນຢ່າງ BP ແລະ Shell.

ທີ່ມາ: ນັກທຸລະກິດ New CEO Laos

Related Articles

Leave a Reply

Your email address will not be published.

Back to top button