ຂ່າວທົວໄປ

ນາແລ ກວດພົບສິນຄ້າໝົດອາຍຸ10 ກວ່າຮ້ານນຳໄປທຳລາຍຖີ້ມ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ



ນາແລ ກວດພົບສິນຄ້າໝົດອາຍຸ10 ກວ່າຮ້ານນຳໄປທຳລາຍຖີ້ມ

ສິນຄ້າໝົດອາຍຸເຖິງກິນແລ້ວ ໃຊ້ແລ້ວຈະບໍ່ສົ່ງຜົນທັນທີຕໍ່ຜູ້ບໍລິໂພກ ແຕ່ມີຜົນທາງລົບຕໍ່ຮ່າງກາຍຢ່າງແນ່ນອນຖ້າບໍ່ດັ່ງນັ້ນຈະບໍ່ມີກຳນົດອາຍຸການນຳໃຊ້ ສະນັ້ນ ກ່ອນຈະຈົກເອົາເງິນໃນຖົງໄປຊື້ສິນຄ້າ ໃດໜຶ່ງມາກິນຕ້ອງໄດ້ເບິ່ງວັນເດືອນປີທີ່ຜະລິດ ແລະມື້ໝົດອາຍຸ ເພື່ອໃຫ້ເມັດເງິນທີ່ຈົກຈ່າຍບໍ່ເປັນພິດເປັນໄພຕໍ່ສຸຂະພາບຂອງຕົວທ່ານເອງ.

ເພື່ອປົກປ້ອງຜູ້ບໍລິໂພກ ເມືອງນາແລແຂວງຫຼວງນ້ຳທາໄດ້ລົງກວດກາບັນດາຫ້າງຮ້ານຢູ່ພາຍໃນເມືອງ ແລະຢືດໄດ້ສິນຄ້າຈຳນວນໜຶ່ງມາທຳລາຍຖີ້ມ ໃນວັນທີ 7 ມີນາຜ່ານມາທີ່ເດີນໂຮງໝໍຊຸມຊົນເມືອງນາແລ ເຂົ້າຮ່ວມຂອງທ່ານ ຕັນ ວັນປະເສີດ ຮອງເຈົ້າເມືຶອງນາແລ ມີຂະແໜງການທີ່ກ່ຽວຂ້ອງເຂົ້າຮ່ວມນຳ.

ການທຳລາຍສິນຄ້າດັ່ງກ່າວ ທ່ານ ສອນເພັດ ຈັນພົມມາ ຮອງອໍານວຍການໂຮງໝໍຊຸມຊົນເມືອງນາແລ ກ່າວວ່າ: ເຈົ້າໜ້າທີ່ກວດກາອາຫານແລະຢາ,ຫ້ອງການອຸດສາຫະກໍາແລະການຄ້າ ແລະ ຂະແໜງການທີ່ກ່ຽວຂ້ອງ ລົງກວດກາອາຫານສໍາເລັດຮູບຕາມທ້ອງຕະຫຼາດ ແລະ

ເຄື່ອງດື່ມ ສີນຄ້າທີ່ໝົດອາຍຸ ພາຍໃນຂອບເຂດເທດສະບານເມືອງເປັນເວລາ 2 ວັນ ໃນນັ້ນມີທັງຮ້ານຂາຍຍົກ ແລະ ຂາຍຍ່ອຍ ທັງໝົດ 38 ຮ້ານ ພົບອາຫານແລະເຄື່ອງດື່ມທີ່ໝົດອາຍຸ 16 ຮ້ານ ລວມມູນຄ່າທັງໝົດ 2.420.000 ກີບ.

ເຄື່ອງທີ່ກວດພົບສ່ວນຫຼາຍແມ່ນເຂົ້າໜົມ,ແປັບຊີ,ໝີ່,ສະບູ,ອາຫານກະປ່ອງ,ຄີມລ້າງໜ້າ…. ການລົງກວດກາສິນຄ້າໃນຄັ້ງນີ້ກໍເພື່ອໃຫ້ຜູ້ຈໍາໜ່າຍສິນຄ້າມີສະຕິໃນການກວດອາຫານສໍາເລັດຮູບຢູ່ໃນຮ້ານຂອງຕົນໃຫ້ຮັບປະກັນຄຸນນະພາບສີນຄ້າທີ່ດີ

ໃຫ້ກັບລູກຄ້າ ແລະ ເພື່ອໃຫ້ຜູ້ບໍລິໂພກໄດ້ຮັບອາຫານທີ່ດີ,ນໍາໃຊ້ສິນຄ້າທີ່ດີ ສະອາດປອດໄພຈາກສິ່ງເຈືອປົນຕ່າງໆ ທີ່ຈະກະທົບຕໍ່ສຸຂະພາບຂອງຜູ້ບໍລິໂພກໃນຕໍ່ໜ້າແລະຍາວນານ.

ຂ່າວໂດຍ: ນາງພອນທິບ ພິລາວັນ

Related Articles

Leave a Reply

Your email address will not be published.

Back to top button