ຂ່າວທົວໄປ

ອຄ ແລະ ພາກທຸລະກິດ ຮ່ວມຊູນະໂຍບາຍສົ່ງເສີມສິນຄ້າລາວ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ



ອຄ ແລະ ພາກທຸລະກິດ ຮ່ວມຊູນະໂຍບາຍສົ່ງເສີມສິນຄ້າລາວ

ໂດຍປະຕິບັດຕາມທິດຊີ້ນໍາຂອງລັດຖະບານ ໃນການສົ່ງເສີມການຜະລິດ ແລະ ການຊົມໃຊ້ຜະລິດຕະພັນພາຍໃນ.

ດັ່ງນັ້ນ, ກົມສົ່ງເສີມການຄ້າ ຈິ່ງໄດ້ຮ່ວມມືກັບພາກທຸລະກິດ ໃນການນຳເອົາຜົນຜະລິດຂອງຊາວກະສິກຳ ແລະ ຊາວຊ່າງຫັດຖະກຳລາວ ເຂົ້າຈຳໜ່າຍໃນຮ້ານຊັບພະສິນຄ້າ, ທັງນີ້ ຮ້ານມິນິບິກຊີ ກໍໄດ້ຮ່ວມໂຄງການສົ່ງເສີມສິນຄ້າລາວ ໂດຍການໂຄສະນາ ແລະ ນຳເອົາສິນຄ້າລາວເຂົ້າໄປຂາຍຢູ່ໃນນັ້ນ.

ຫົວຫນ້າກົມສົ່ງເສີມການຄ້າ ໄດ້ກ່າວວ່າ:

ເພື່ອເຮັດໃຫ້ແຜນງານດັ່ງກ່າວມີປະສິດທິຜົນ, ຊຶ່ງໄລຍະຜ່ານມາກໍໄດ້ມີການສ້າງ ໂຄງການຮ່ວມມືລະຫວ່າງພາກລັດ ແລະ ພາກເອກະຊົນ ໂດຍໄດ້ເຊັນບົດບັນທຶກຮ່ວມກັນລະຫວ່າງກົມສົ່ງເສີມການຄ້າ ກະຊວງ ອຸດສາຫະກໍາ ແລະ ການຄ້າ ກັບບໍລິສັດ ເອັມພອຍມາຣ໌ທ ການຄ້າ ຈໍາກັດ (ຮ້ານມິນິບິກຊີ) ແລະ ບໍລິສັດວຽງຈັນເຊັນເຕີ

ເປົ້າຫມາຍກໍເພື່ອຮ່ວມມືພັດທະນາ ແລະ ຊຸກຍູ້ສົ່ງເສີມສິນຄ້າລາວເຂົ້າສູ່ຕະຫຼາດພາຍໃນ ແລະ ຕ່າງປະເທດ, ເພື່ອກະຕຸ້ນໃຫ້ຜູ້ຜະລິດ ແລະ ຜູ້ ປະກອບການພາຍໃນ ໄດ້ຜະລິດສິນຄ້າທີ່ມີຄຸນນະພາບ, ມີມາດຕະຖານ ແລະ ເພີ່ມປະລິມານສີນຄ້າໃຫມ່ໆຫຼາຍຂຶ້ນ.

ທີ່ສໍາຄັນແມ່ນ ເພື່ອສ້າງຄວາມຫມັ້ນໃຈແກ່ຜູ້ບໍລິໂພກໃນດ້ານຄວາມປອດໄພ.

ໃນກອງປະຊຸມຄັ້ງນີ້, ແມ່ນໄດ້ແນະນໍາຫົວຫນ່ວຍທຸລະກິດທີ່ມີຄວາມພ້ອມ ແລະ ສົນໃຈ ໃຫ້ມີຄວາມເຂົ້າໃຈຕື່ມກ່ຽວມາດຕະຖານ ແລະ ເງື່ອນໄຂຂອງສິນຄ້າທີ່ຈະນໍາໄປຂາຍຢູ່ໃນຮ້ານຊັບພະສິນຄ້າ ມິນິບິກຊີ ໃນນະຄອນຫຼວງວຽງຈັນ, ຊຶ່ງມີທັງຫມົດ 62 ສາຂາ.

ແຫຼ່ງຂໍ້ມູນ:

– ຂ່າວເສດຖະກິດ-ສັງຄົມ

– ລິ້ງທີ່ມາ: http://www.sethakit-psx.la/detail10149.html

#ຄຳຄົມ

#ນັກທຸລະກິດລາວ

#ນັກທຸລະກິດມືໃໝ່

#CEOLAOS

#NewCEOLAOS

Related Articles

Leave a Reply

Your email address will not be published.

Back to top button