ຂ່າວທົວໄປ

ພໍ່ຕູ້ເຮັດປືນແກັບ​ລັ່ນ​ໃສ່ຫຼານ​ອາ​ຍຸ 7 ເດືອນ ​​ເສຍ​ຊີ​ວິດ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ



ເກີດເຫດຜົວເຮັດປືນແກັບລັ່ນໃສ່ເມຍໄດ້ຮັບບາດເຈັບ ແລະ ຫຼານຊາຍອາຍຸ 7 ເດືອນເສຍຊີວິດ.

ເກີດເຫດຜົວເຮັດປືນແກັບລັ່ນໃສ່ເມຍໄດ້ຮັບບາດເຈັບ ແລະ ຫຼານຊາຍອາຍຸ 7 ເດືອນເສຍຊີວິດ ເມື່ອມໍ່ໆມານີ້ ຊຶ່ງເຫດການດັ່ງກ່າວເກີດຂຶ້ນຢູ່ເມືອງສິງ ແຂວງຫຼວງນໍ້າທາ.

ເຈົ້າ​ໜ້າ​ທີ່​ສືບ​ສວນ-ສອບ​ສວນ ຄະ​ດີ​ອາ​ຍາ ປກ​ສ ເມືອງ​ສິງ ແຂວງຫຼວງນໍ້າທາແຈ້ງໃຫ້ຮູ້ວ່າ: ຜ່ານການສືບສວນ-ສອບສວນກ່ຽວກັບເຫດການດັ່ງກ່າວພົບວ່າ

ຜູ້ເຮັດປືນແກັບລັ່ນໃສ່ເມຍ ແລະ ຫຼານນັ້ນຊື່ທ້າວ ຊຽງ​ສົມ​ຈັນ ອາ​ຍຸ 51 ປີ ອາ​ຊີບ ຊາວ​ສວນ ເປັນຊົນ​ເຜົ່າ ​ຜູ່​ນ້ອຍ ຢູ່​ບ້ານ​ ຫົວ​ຂົວ ເມືອງ​ສິງ ແຂວງ ຫຼວງ​ນ້ຳ​ທາ,

ສ່ວນເມຍທີ່ໄດ້ຮັບບາດເຈັບນັ້ນຊື່ ນາງ ເປົາ ອາຍຸ 47 ປີ ແລະ ຫຼານຊາຍທີ່ເສຍຊີວິດ ຊື່ທ້າວ ແປງ ອາຍຸ 7 ເດືອນ.

ທ້າວ ຊຽງ​ສົມ​ຈັນ ຫຼື ຜູ້ເຮັດປືນລັ່ນດັ່ງກ່າວສາລະພາບວ່າ: ເວ​ລາ​ປະ​ມານ 15 ໂມງຂອງມື້ເກີດເຫດ ຜູ້​ກ່ຽວ​ໄດ້​ກິນ​ເຂົ້າ​ຢູ່​ເຮືອນ ແລະ ເມຍ​ຂ​ອງ​ຕົນ​ເອງ​ໄດ້​ໄປ​ຮັບ​ເອົາ​ຫຼານ​ຢູ່​ຕະ​ຫຼາດ​ຊຶ່ງເປັນ​ລູກຂອງ​ ນາງ ພອນ​ສຸກ (​ເປັນ​ລູກ​ສາວ​ຂອງຜູ້ກ່ຽວ),

ພາຍ​ຫຼັງ​ແຕ່ງ​ກິນ​ສຸກ​ແລ້ວ ເມຍ​ໄດ້​ເອີ້ນ ​ຜູ້ກ່ຽວ ມາ​ກິນ​ເຂົ້າ​ແຕ່​ຜູ້ກ່ຽວ ກິນ​ແລ້ວ ເວ​ລານັ້ນ​ແມ່ນ​ຜູ້ກ່ຽວກຳ​ລັງ​ແປງ​ປືນ​ແກັບ​ຢູ່​ໃນ​ຫ້ອງນອນ ຈາກນັ້ນ​ເມຍ ແລະ ລູກ​ກິນ​ເຂົ້າ​ແລ້ວ​ເມຍ​ກຳ​ລັງມ້ຽນ​ພາ​ເຂົ້າ​ຢູ່​ໃນ​ເຮືອນ​ຄົວ

ຜູ້​ກ່ຽວ​ແມ່ນ​ໄດ້ ​ເອົາ​ປາຍ​ປືນ​ປິ່ນ​ໄປ​ທາງ​ເຮືອນ​ຄົວ ແລ້ວ​ແປງ​ບ່ອນ​ຮອງ​ອັດ​ລູກ​ໝາກແ​ກັບ ແລະ ເອົາ​ເຫຼັກ​ຕາ ​ປູ​ຕອກ​ໃສ່​ແຕ່​ຜູ້​ກ່ຽວ​ລືມ​ເອົາ​ໝາກ​ແກັບ​ອອກ​ຈາກ​ປືນຈຶ່ງ​ເຮັດ​ໃຫ້​ແກັບ​ດັ່ງ​ກ່າວ​ແຕກເຮັດໃຫ້ປືນລັ່ນອອກໂດຍມີ​ລູກຫວ່ານ (ລູກປືນທີ່ເຮັດດ້ວຍກົ່ວ) ​​ຊອດ​ຝາ​ໄມ້​ແປ້ນ​ລະ​ຫວ່າງ​ຫ້ອງນອນ ​ຫາ​ເຮືອນ​ຄົວ​ແລ້ວ​ຖືກ​ໃສ່​ເມຍ ແລະ ຫຼານ​ທີ​​່ເຈ່ຍ​​ໄວ້ຢູ່​ທາງ​ຫຼັງ​ຢູ່​ເຮືອນ​ຄົວໄດ້ຮັບບາດເຈັບ ແລະ ໄດ້ນໍາຕົວທັງສອງຄົນໄປໂຮງໝໍ

ແຕ່ຮອດ​ເວ​ລາ​ປະ​ມານ 3 ໂມງ​ເຊົ້າ​ຂອງມື້ຕໍ່ມາໄດ້ເຮັດໃຫ້ ທ້າວ ແປງ ຫຼື ຫຼານຊາຍຜູ້ກ່ຽວ​ເສຍ​ຊີ​ວິດ.

ປັດຈຸບັນທາງເຈົ້າໜ້າທີ່ສືບສວນ-ສອບສວນຄະດີອາຍາ ປກສ ເມືອງສິງ ໄດ້ສົ່ງຜູ້ກ່ຽວໃຫ້ທາງ ກອງບັນຊາການ ປກສ ແຂວງ ສືບຕໍ່ດຳເນີນຄະດີຕາມລະບຽບກົດໝາຍ.

ຂໍ້ມູນ-ພາບ: ປກສ ເມືອງສິງ ຮ້ອຍໂທ ຈັນແສງ ຄຳວົງໄຊ.

ທີ່ມາ.

https://www.facebook.com/101475428875746/posts/171772368512718/

Related Articles

Leave a Reply

Your email address will not be published.

Back to top button