ຂ່າວທົວໄປ

ໂອກາດດີສຳລັບຜູ້ຫາວຽກ ຈະເປີດງານມະຫາກຳສົ່ງເສີມແຮງງານລາວ​ 16-20 ມີນານີ້

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ



ໂອກາດດີສຳລັບຜູ້ຫາວຽກ ຈະເປີດງານມະຫາກຳສົ່ງເສີມແຮງງານລາວ​ 16-20 ມີນານີ້

ງານມະຫາກຳສົ່ງເສີມແຮງງານລາວ Lao Employment 2022 ຈະຈັດຂຶ້ນໃນລະຫວ່າງ ວັນທີ 16-20 ມີນາ 2022 ທີ່ ສູນການຄ້າ ວຽງຈັນເຊັນເຕີ້, ນະຄອນຫຼວງວຽງຈັນ ໂດຍສະພາການຄ້າ ແລະ ອຸດສາຫະກໍາແຫ່ງຊາດລາວ ຮ່ວມກັບ ກະຊວງແຮງງານແລະສະຫວັດດີການສັງຄົມ, ກະຊວງສຶກສາທິການແລະກິລາ, ສະຫະພັນກຳມະບານລາວ ໄດ້ຮ່ວມກັນຈັດງານດັ່ງກ່າວຂຶ້ນ​ ເພື່ອສ້າງຄວາມເຂັ້ມແຂງໃຫ້ກັບ ບັນດາແຮງງານທີ່ຫວ່າງງານ ແລະ ຫົວໜ່ວຍທຸລະກິດ ທີ່ໄດ້ຮັບຜົນກະທົບຈາກການແຜ່ລະບາດຂອງເຊື້ອໄວຣັດ COVID-19 ໂດຍມີສ່ວນຮ່ວມກັບຜູ້ສຳຄັນໃນຂົງເຂດແຮງງານ ແລະ ສະຫວັດດີການສັງຄົມ, ສູນຝຶກອົບຮົມ, ວິທະຍາໄລເຕັກນິກວິຊາຊີບ, ບໍສັດ ສະມາຄົມທຸລະກິດທີ່ກ່ຽວຂ້ອງ, ອົງກອນຜູ້ໃຫ້ການສະໜັບສະໜູນ ແລະ ຜູ້ໃຊ້ແຮງງານເປົ້າໝາຍ.​

ການຈັດງານດັ່ງກ່າວນີ້ ຈະຊ່ວຍຄື: 1. ເປັນງານເປີດກວ້າງ ໃຫ້ຜູ້ປະກອບການ ແລະແຮງງານໄດ້ມາພົບປະ-ແລກປ່ຽນ,​ 2.​ ສົ່ງເສີມການສ້າງວຽກເຮັດງານທຳ ໃຫ້ກັບແຮງງານທີ່ຫວ່າງງານ,​ 3.​ ຍົກລະດັບສີມືການເຮັດວຽກຂອງແຮງງານດ້ວຍການຝຶກອົບຮົມຕ່າງໆ,​ 4. ເປັນເວທີແລກປ່ຽນປະສົບການ ແລະ ເຜີຍແຜ່ແນວທາງໃນການພັດທະນາສີມືແຮງງານ ຂອງຜູ້ ອອກແຮງງານ ແລະ ຜູ້ໃຊ້ແຮງງານ,​ 5. ເປັນເວທີໃຫ້ນັກສຶກສາໄດ້ມີການແລກປ່ຽນບົດຮຽນ ເພື່ອກຽມເຂົ້າສູ່ຕະຫຼາດແຮງງານໃນອະນາຄົດ,​ 6.​ ຮັບຮູ້ຂໍ້ມູນຂ່າວສານຕະຫຼາດແຮງງານ ແລະ ນະໂຍບາຍທີ່ຕິດພັນການຈ້າງງານ.

ສ່ວນກິດຈະກໍາສໍາຄັນໃນງານ ຈະປະກອບມີ: 1.​ ຮ່ວມສົນທະນາ / ຝຶກອົບຮົມ (ໃຫ້ຄວາມຮູ້, ສ້າງແຮງບັນດານໃຈ),​ 2.​ ນັກສຶກສາກຽມເຂົ້າສູ່ຕະຫຼາດແຮງງານ,​ 3.​ຊ່ວຍເຫຼືອໃນການພັດທະນາທັກສະດ້ານແຮງງານ ແລະ ຍົກລະດັບສີມືແຮງງານ,​ 4. ງານວາງສະແດງ ແລະ ສາທິດທັກສະດ້ານສີມືແຮງງານ, ເວທີສ້າງສ້າງຄວາມຮັບຮູ້ແກ່ສັງຄົມ,​ 5.​ ການແຂ່ງຂັນສີມືແຮງງານ ແລະ ປະກາດໂຄງການສົ່ງເສີມສີມືແຮງງານຕ່າງໆ,​ 6.​ ການພົບປະລະຫວ່າງອົງກອນ, ເຂດເສດຖະກິດ, ຫົວໜ່ວຍທຸລະກິດ ກັບຜູ້ຫວ່າງງານ,ແຮງງານທີ່ສົນໃຈແບບເປີດກວ້າງ​ ແລະ​ 7.​ ການສະໜັບສະໜູນທຶນການສຶກສາ ເພື່ອສ້າງແຮງງານຄຸນນະພາບ.

ພິທີຖະແຫຼງຂ່າວ ກຽມຈັດງານມະຫາກຳສົ່ງເສີມແຮງງານລາວ ປີ 2022​ ໄດ້ຈັດຂຶ້ນວັນທີ 10 ກຸມພາ 2022​ ຜ່າາມາທີ່ ສະພາການຄ້າ ແລະ ອຸດສາຫະກຳແຫ່ງຊາດລາວ​ ໂດຍການເປັນ ປະທານ ທ່ານ ປອ. ໄຊບັນດິດ ຣາຊະພົນ, ຮອງປະທານ ສະພາການຄ້າ ແລະ ອຸດສາຫະກໍາແຫ່ງຊາດລາວ, ທ່ານ ວັນນະເລກ ເຫຼື້ອງ, ຮອງຫົວໜ້າກົມອາຊີວະສຶກສາ, ກະຊວງສຶກສາທິການ ແລະ ກິລາ, ທ່ານ ສຸລິສັກ ສຸພັນທອງ ຮອງຫົວໜ້າກົມພັດທະນາສີມືແຮງງານ ແລະ ຈັດຫາງານ, ກະຊວງແຮງງານ ແລະ ສະຫວັດດີການສັງຄົມ, ທ່ານ ນາງ ຈັນເພັງ ມະນີແສງ, ຫົວໜ້າກົມປົກປ້ອງແຮງງານ, ສູນກາງສະຫະພັນກຳມະບານລາວ ພ້ອມພາກສ່ວນກ່ຽວຂ້ອງເຂົ້າຮ່ວມ.

Related Articles

Leave a Reply

Your email address will not be published.

Back to top button