ຂ່າວທົວໄປ

ເປັນຫຍັງສັດນໍາໂຊກ “ປີ່ງຕຸ່ນຕຸ່ນ” ຈຶ່ງໄດ້ຮັບຄວາມນິຍົມ ທີ່ສຸດຈາກຄົນທັງຫລາຍ.

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ



ເປັນຫຍັງສັດນໍາໂຊກ “ປີ່ງຕຸ່ນຕຸ່ນ” ຈຶ່ງໄດ້ຮັບຄວາມນິຍົມ ທີ່ສຸດຈາກຄົນທັງຫລາຍ? ຂປລ. ວິທະຍຸສາກົນແຫ່ງປະເທດຈີນ (CRI) ໄດ້ລາຍງານວ່າ: ຫວ່າງມໍ່ໆ ມານີ້ ສັດນຳໂຊກ “ປີ່ງຕຸ່ນຕຸ່ນ” ທີ່ເປັນຮູບໝີແພນດາ ສຳລັບງານກິລາ ໂອລິມປິກລະດູໜາວປັກກິ່ງ ໄດ້ຮັບຄວາມນິຍົມຫລາຍທີ່ສຸດຈົນຫາຊື້ ໄດ້ຍາກ. ຕໍ່ກັບເລື່ອງນີ້, ໂຄສົກຄະນະກໍາມະການຈັດງານກິລາໂອລິມປິກ ລະດູໜາວປັກກິ່ງ ໄດ້ໃຫ້ຄໍາຕອບວ່າ: ກໍາລັງປະສານງານກັບຝ່າຍຕ່າງໆ ທີ່ກ່ຽວຂ້ອງເພື່ອເພີ່ມການຜະລິດສັດນຳໂຊກ “ປີ່ງຕຸ່ນຕຸ່ນ”.

ເປັນຫຍັງ “ປີ່ງຕຸ່ນຕຸ່ນ” ຈຶ່ງໄດ້ຮັບຄວາມນິຍົມຈາກຄົນທັງຫລາຍ? “ປີ່ງ” ໃນພາສາຈີນ ໝາຍຄວາມວ່ານໍ້າກ້ອນ, ເປັນສັນຍາລັກແຫ່ງ ຄວາມບໍລິສຸດ ແລະຄວາມເດັດດ່ຽວເຊິ່ງກໍເປັນເອກະລັກຂອງງານກິລາ ໂອລິມປິກລະດູໜາວ. “ຕຸ່ນຕຸ່ນ” ໝາຍເຖິງຄວາມແຂງແຮງ, ເປັນສັນຍາ ລັກຂອງຮ່າງກາຍທີ່ແຂງແຮງ ແລະຈິດໃຈອົດທົນໜຽວແໜ້ນຂອງນັກ ກິລາໂອລິມປິກລະດູໜາວ ທັງເປັນສັນຍາລັກແຫ່ງຈິດໃຈໂອລິມປິກທີ່ສ້າງ ກຳລັງໃຈໃຫ້ຄົນທັງຫລາຍ.

“ປີ່ງຕຸ່ນຕຸ່ນ” ໃສ່ຊຸດນໍ້າກ້ອນເຊິ່ງອອກແບບມາຈາກອາຫານພື້ນເມືອງ ຊະນິດໜຶ່ງຂອງປັກກິ່ງ ຄືໝາກໄມ້ເຄືອບນໍ້າຕານ. ໝວກຂອງ “ປີ່ງຕຸ່ນຕຸ່ນ” ແມ່ນອອກແບບມາຈາກໝວກກັນກະທົບສໍາລັບນັກກິລາຫິມະ ແລະນ້ຳກ້ອນ.

ຮູບວົງມົນຫລາຍສີອ້ອມໃບໜ້າ “ປີ່ງຕຸ່ນຕຸ່ນ” ແມ່ນອອກແບບມາຈາກສະໜາມກິລາສະກີຄວາມໄວແຫ່ງຊາດຈີນ.ກ່ອນອອກແບບ “ປີ່ງຕຸ່ນຕຸ່ນ”, ນັກອອກແບບຍັງໄດ້ໄປສັງເກດເບິ່ງທ່າຍ່າງຂອງໝີແພນດາ ແລະຈຶ່ງໄດ້ອອກແບບ “ປີ່ງຕຸ່ນຕຸ່ນ”ໃຫ້ຄືໝີແພນດາທີ່ສຸດທີ່ໜ້າຮັກພິເສດ. ນອກນີ້, “ປີ່ງຕຸ່ນຕຸ່ນ” ຍັງໄດ້ສະແດງໃຫ້ເຫັນເຖິງຄວາມນິຍົມທີ່ໄຮ້ພົມແດນ, ເມື່ອ ສົມເດັດ ອານເບີດອາເລັກຊານເດີ ຫລຸຍປີແອ ກຣີມັນດີ ຂອງໂມນາໂກ ໄດ້ຮັບຮູບປັ້ນ “ປີ່ງຕຸ່ນຕຸ່ນ” ທີ່ເຮັດດ້ວຍແປ້ງໂຕໜຶ່ງ ແລ້ວພະອົງ ຍັງຮ້ອງ ຂໍໃຫ້ພະນັກງານເຮັດໃຫ້ພະອົງອີກໂຕໜຶ່ງ.

ທ້າວ ຫລິວຊ້າວຫລີນ, ນັກກິລາ ສະເກັດຈາກຮົງກາຣີ ໄດ້ຮັບຕຸກກະຕາ “ປີ່ງຕຸ່ນຕຸ່ນ” ໂຕໜຶ່ງຍ້ອນຍາດໄດ້ ຫລຽນທອງໃນການແຂ່ງຂັນ ແລະເວົ້າວ່າ: ຂ້ອຍມີນ້ອງສາວ ຄົນໜຶ່ງອາຍຸ ໄດ້ 3 ປີ, ສະນັ້ນ, ຂ້ອຍຢາກໄດ້ຫລຽນອີກຫລຽນໜຶ່ງເພື່ອໄດ້ “ປີ່ງຕຸ່ນຕຸ່ນ” ອີກ. ໂຕນີ້ຂ້ອຍຈະໃຫ້ຕົນເອງ ແລະ ນາງ ນາຕາລີຕາສເລໂຣວາ, ນັກກິລາ ສະເກັດຈາກປະເທດເຊັກ ຮູ້ສຶກຕື່ນເຕັ້ນດີໃຈເກືອບຈະຮ້ອງໄຫ້ ເມື່ອໄດ້ຮັບ ຕຸກກະຕາ “ປີ່ງຕຸ່ນຕຸ່ນ”.

ສັດນຳໂຊກ “ປີ່ງຕຸ່ນຕຸ່ນ” ເປັນຕົວແທນພາບພົດຂອງຈີນ, ເປັນຜົນ ງານຂອງປະຊາຊົນຈີນ ທັງເປັນການປະສານສົມທົບລະຫວ່າງວັດທະນະທຳ ຈີນ ກັບໂອລິມປິກ.

ນີ້ເປັນຂອງຂວັນທີ່ລ້ຳຄ່າທີ່ຄະນະກຳມະງານຈັດການ ກິລາໂອລິມປິກລະດູໜາວປັກກິ່ງ ແລະປະເທດຈີນ ມອບໃຫ້ກິລາໂອລິມປິກ ກໍຄືໃຫ້ແກ່ໂລກ.

Related Articles

Leave a Reply

Your email address will not be published.

Back to top button