ຂ່າວທົວໄປ

ສະຫຼະເວລາອ່ານ..!! 10 ວິທີໃຊ້ໜີ້ພໍ່ແມ່ ເຮັດແລ້ວຊີວິດມີແຕ່ຈະເລີນຮຸ່ງເຮືອງ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ



10 ວິທີໃຊ້ໜີ້ພໍ່ແມ່ ເປັນເລື່ອງທີ່ຕ້ອງເຮັດ ເພາະພໍ່ແມ່ຄືຜູ້ໃຫ້ຊີວິດເຮົາແຕ່ເກີດຈົນໃຫຍ່ເພີ່ນຕ້ອງລ້ຽງດູເບິ່ງແຍງຄອຍບອກສອນໃຫ້ເຮັດແຕ່ຄວາມດີ ສົ່ງໃຫ້ຮຽນໜັງສືເບິ່ງແຍງເອົາໃຈໃສ່ໃນທຸກເລື່ອງ ເມື່ອເຮົາໃຫຍ່ຂຶ້ນມາໜ້າທີ່ຂອງລູກທຸກຄົນກໍ່ຄື ກະຕັນຍູເບິ່ງແຍງເພີ່ນຍາມແກ່ເຖົ້າ.

ເຮັດໃຫ້ເພີ່ນມີຄວາມສຸກເພາະ ພໍ່ແມ່ເປັນພະອໍລະຫັນຂອງລູກ ພະພຸດທະສາດສະໜາສອນໃຫ້ເຮົາເປັນຄົນກະຕັນຍູຕໍ່ພໍ່ແມ່ ແລ້ວຊີວິດກໍ່ຈະມີແຕ່ເລື່ອງດີໆ ຝາກເຖິງລູກທຸກຄົນວິທີໃຊ້ໜີ້ພໍ່ແມ່ມີດັ່ງນີ້:

1. ຈົ່ງສ້າງຄວາມດີໃຫ້ກັບຕົວເອງ ແລະ ນີ້ກໍ່ເປັນການໃຊ້ໜີ້ໂຕເອງ ໂຕເຮົາພໍ່ໃຫ້ຫົວໃຈ ແມ່ໃຫ້ນໍ້າເລືອດ ນໍ້າເລືອດຢູ່ໃນຕົວແລ້ວ ຈະໄປສະແຫວງຫາພໍ່ຢູ່ໃສ ຈະໄປສະແຫວງຫາແມ່ຢູ່ໃສ ບາງຄົນລັງກຽດແມ່ ວ່າແມ່ເຖົ້າບໍ່ງາມ ພໍໂຕເອງເຖົ້າກໍ່ຖືກລູກຫຼານລັງກຽດ ຈຶ່ງເປັນກົງກຳວົງວຽນຍືດເຍື້ອກັນຕໍ່ໄປອີກ.

2. ໃຜທີ່ແມ່ຕາຍໄປແລ້ວ ກໍ່ໃຫ້ໝັ້ນເຮັດບຸນອຸທິດສ່ວນກຸສົນໄປໃຫ້ເພີ່ນ

3. ຜູ້ໃດກໍ່ຕາມຖ້າແມ່ຍັງມີຊີວິດ ໃຫ້ກັບໄປຫາແມ່ໄປນົບກາບຂໍພອນຈາກເພີ່ນ ຈະໄດ້ມັ່ງມີສີສຸກ ສ່ວນໃຜທີ່ເຄີຍເຮັດບໍ່ດີໄວ້ໃຫ້ນຳທຽນແພໄປກາບຂໍອະໂຫສິກຳ ລ້າງຕີນໃຫ້ເພີ່ນນຳເປັນການຂໍຂະມາລາໂທດ

4. ບາງຄົນລືມພໍ່ລືມແມ່ ການຖຽງພໍ່ແມ່ມັນບໍ່ດີ ສອນລູກຫຼານຢ່າຖຽງພໍ່ແມ່ ຢ່າຄິດບໍ່ດີກັບພໍ່ແມ່ ຈະບໍ່ຈະເລີນກ້າວໜ້າ.

5. ຂໍຝາກທ່ານໄວ້ໄປສອນລູກຫຼານ ຢ່າຄິດບໍ່ດີກັບພໍ່ແມ່ ຈະທຳມາຫາກິນບໍ່ຂຶ້ນເຮັດຫຍັງກະເຈັ້ງ.

6. ລູກຫຼານຈື່ໄວ້ ເມື່ອແຍກຄອບຄົວອອກໄປແລ້ວ ຢ່າລືມໄປຫາພໍ່ແມ່ ວ່າງມື້ໃດລະໄປຫາໂລດ ຖ້າເປັນວັນເກີດຕ້ອງເອົາຂອງຂວັນໄປໃຫ້ແມ່ ຢ່າດື່ມເຫຼົ້າເມົາເຮຮາ.

7.​ ຄົນທີ່ມີບຸນວາດສະໜາ ຈະກະຕັນຍູກັບພໍ່ແມ່ ຄົນຖຽງພໍ່ແມ່ເອົາດີບໍ່ໄດ້ ຄົນບໍ່ມັກເວົ້າກັບພໍ່ແມ່ ນັ່ງອະທິຖານຮ້ອຍປີກໍ່ບໍ່ໄດ້ຫຍັງ? ຖ້າບໍ່ຂໍອະໂຫສິກຳທີ່ຄິດບໍ່ດີກັບພໍ່ແມ່ ຄິດບໍ່ດີກັບຄູບາອາຈານ ຄິດບໍ່ດີກັບພີ້ນ້ອງບໍ່ເອົາອີກແລ້ວ ເອົານໍ້າໃສ່ຂັນດອກມະລິໂຮຍ ການກຳມັງ ຈີກຳມັງ ມະໂນກຳມັງ ໂຍໂທໂສ ອັນວ່າໂທດອັນໃດ ຄວາມຜິດອັນໃດ ທີ່ຂ້າພະເຈົ້າເຮັດລົງໄປ ດ້ວຍກາຍກໍ່ດີ ວາຈາກໍ່ດີ ທັງຕໍ່ໜ້າ ແລະ ລັບຫຼັງ ຂໍໃຫ້ຄຸນພໍ່ຄຸນແມ່ ອະໂຫຊິກຳໃຫ້ດ້ວຍແລ້ວເອົານໍ້າຫົດມືຫົດຕີນເພີ່ນ

8. ຂອງດີ ຂອງປູ່ຍ່າຕາຍາຍ ຢ່າໄປທຳລາຍ, ຂອງພໍ່ແມ່ຢ່າໄປທຳລາຍ ເກັບໄວ້ເປັນທີ່ລະນຶກຢ່າເອົາໄປຖີ້ມ

9. ຊື່ທີ່ພໍ່ແມ່ຕັ້ງໃຫ້ເປັນມຸງຄຸນ ບໍ່ຈຳເປັນຕ້ອງປ່ຽນ ເພາະຊື່ເປັນພຽມນາມສົມມຸດແທນໂຕເຮົາ ຂໍໃຫ້ເຊື່ອພະພຸດທະເຈົ້າເຮັດດີໄດ້ດີ.

10. ຖ້າຕ້ອງການຄວາມຈະເລີນກ້າວໜ້າຂໍຝາກໄວ້ ຄົນເຮົາມີ 9 ກ້າວ ຈະກ້າວຂຶ້ນຫຼືກ້າວລົງ ກ້າວລົງມັນດີ ກ້າວຂຶ້ນມັນຕ້ອງຍາກ ຂອງຊົ່ວມັນງ່າຍຫຼັງໄລ່ໄປຕາມທີ່ຕໍ່າ ຈື່ໄວ້ເດີ້ ສາທຸ…

ແຫຼ່ງທີ່ມາ: หลวงพ่อจรัญ ฐิตธมฺโม (ฉบับหลวงพ่อจรัญ วัดอัมพวัน)

Related Articles

Leave a Reply

Your email address will not be published.

Back to top button