ຂ່າວທົວໄປ

ສຕລ​ ແຈ້ງຍົກເລີກຈັດກອງປະຊຸມໃຫຍ່ ທີ່ກຳນົດຈັດຂຶ້ນວັນທີ 5-6​ ກຸມພາ​ນີ້​ ທີ່ແຂວງ​ຫຼວງພະບາງ​ ຫຼັງກວດເຊື້ອໂຄວິດວິຊາການພົບເຊື້ອ​ 1​ ຄົນ.​

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ



ສຕລ​ ແຈ້ງຍົກເລີກຈັດກອງປະຊຸມໃຫຍ່ ທີ່ກຳນົດຈັດຂຶ້ນວັນທີ 5-6​ ກຸມພາ​ນີ້​ ທີ່ແຂວງ​ຫຼວງພະບາງ​ ຫຼັງກວດເຊື້ອໂຄວິດວິຊາການພົບເຊື້ອ​ 1​ ຄົນ.​

ໃນວັນທີ​ 5​ ກຸມພາ​ 2022​ ນີ້​ ສະຫະພັນບານເຕະແຫ່ງຊາດລາວ​ (ສຕລ)​ ແຈ້ງຂ່າວວ່າ: ອີງຕາມແຜນການ ຂອງ ສຕລ ໃນການຈັດກອງປະຊຸມໃຫຍ່ ສະໄໝສາມັນ ປະຈຳປີ 2021ແລະ ກອງປະຊຸມພັດທະນາ ກິລາບານເຕະ ທົ່ວປະເທດ ປະຈຳປີ 2022 ລະຫວ່າງ ວັນທີ 5-6 ກຸມພາ 2022 ທີ່ ແຂວງຫລວງພະບາງ ເພື່ອສົ່ງເສີມການທ່ອງທ່ຽວສີຂຽວ ຕາມນະໂນບາຍ ຂອງລັດຖະບານ.​

ບັນດາຄະນະຈັດຕັ້ງກອງປະຊຸມ ປະກອບດ້ວຍ ຄະນະບໍລິຫານງານ ສຕລ ແລະ ວິຊາການ ສຕລ ຈາກ ຫ້ອງການສຕລ ໄດ້ເດີນທາງມາເຖິງ ແຂວງຫລວງພະບາງໃນວັນທີ 4 ກຸມພາ 2022 ເພື່ອກະກຽມກອງປະຊຸມ​ ແລະ ໄດ້ມີ ການກວດຫາເຊື້ອພະຍາດໂຄວິດ 19 ຕາມມາດຕະການ ປ້ອງກັນ, ຄວບຄຸມ ແລະ ສະກັດກັ້ນ ການແຜ່ລະບາດ
ຂອງພະຍາດໂຄວິດ 19 ຂອງ ຄະນະສະເພາະກິດ ແຂວງຫລວງພະບາງ.

ຜົນການກວດຫາເຊື້ອ ປາກົດວ່າ ວິຊາການ​ ສຕລ 1 ທ່ານ ມີຜົນກວດເປັນບວກ.

ສະນັ້ນ,​ ທາງ ສຕລ ພາຍໃຕ້ການຊີ້ນຳຈາກ ຄະນະສະເພາະກິດ ແຂວງ ຫລວງພະບາງ ໄດ້ມີການແຍກປ່ຽວ ເຈົ້າໜ້າທີ່ ຜູ້ທີ່ຕິດເຊື້ອດັ່ງກ່າວ ແລະ ຈຳກັດ ບໍລິເວນ ບັນດາຜູ້ສໍາພັດໃກ້ຊິດ ຕາມມາດຕະການເປັນທີ່ຮຽບ
ຮ້ອຍ.​

ພ້ອມກັນນັ້ນ ເພື່ອເປັນການປ້ອງກັນ ການແຜ່ລະບາດ ຂອງພະຍາດໂຄວິດ 19 ແລະ ເປັນການສະແດງຄວາມຮັບຜິດຊອບຕໍ່ສັງຄົມ ຄະນະບໍລິຫານງານ ສຕລ ຈື່ງມີມະຕິເຫັນດີ ໃຫ້ຍົກເລີກ ການຈັດກອງປະຊຸມໃຫຍ່.

ສະໄໝສາມັນ ປະຈຳປີ 2021 ແລະ ກອງປະຊຸມພັດທະນາ ກິລາບານເຕະ ທົ່ວປະເທດ ປະຈໍາປີ 2022 ລະຫວ່າງວັນທີ​ 5-6 ກຸມພາ 2022 ທີ່ແຂວງຫລວງພະບາງ ແລະ ຈະກຳນົດວັນທີຈັດກອງປະຊຸມໃໝ່ພາຍຫລັງ.

Cr: ສຕລ

Related Articles

Leave a Reply

Your email address will not be published.

Back to top button