ຂ່າວທົວໄປ

ກົດແຊຣ໌ເພື່ອເປີດປະຕູແຫ່ງຄວາມຮັ່ງມີ ມາຮູ້ຈັກກັບວິທີໄຫວ້ ແລະ ຄວາມໝາຍເດືອນ 3 ອອກໃໝ່ 3 ຄ່ຳ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ



#ກົດແຊຣ໌ເພື່ອເປີດປະຕູແຫ່ງຄວາມຮັ່ງມີ#ມາຮູ້ຈັກກັບວິທີໄຫວ້ແລະຄວາມໝາຍເດືອນ3ອອກໃໝ່3ຄ່ຳປີນີ້ກົງກັບວັນສຸກ,​ ວັນທີ່​ 04 ກຸມພາ ພ.ສ2564 (ຄ.ສ2022) ເປັນມື້ຂຶ້ນ 3 ຄ່ຳ ເດືອນ 3 ລາວ ປີພ.ສ 2564 ຕາມປະເພນີ ແລະ ຄວາມເຊື່ອຖືຂອງຄົນລາວເຮົາມາແຕ່ບູຮານວ່າ ມື້ນີ້ເປັນມື້ທີ່ມີຄວາມອີ່ມໜໍາສຳຣານທີ່ສຸດ ເປັນມື້ໄຂປະຕູເລົ້າເຂົ້າ ໄຂປະຕູເງິນ ໄຂປະຕູຄຳ ເປີດປະຕູໂຊກລາບ ປະຕູແຫ່ງຄວາມອຸດົມຮັ່ງມີ​ ດັ່ງຄຳບູຮານທີ່ກ່າວເຖິງຄວາມມະຫັດສະຈັນ ໃນຕຳນານຄວາມເຊື່ອຂອງຊາວລາວວ່າເປັນມື້ທີ່ : “ກົບບໍ່ມີປາກ ນາກບໍ່ມີຮູທະວານ ໝາກຂາມປ້ອມສຸກຫວານ​ ແມ່ມານທ້ອງແວບ ຄົກເປັນໝາກ ສາກເປັນໃບ ຫົວສີໄຄເປັນດອກ ກະຮອກປົ່ງເຂົາ ຜັກກະເດົາເຊົາຂົມ”​ ໂດຍມີຄວາມໝາຍອະທິບາຍໄວ້ດັ່ງນີ້ :

1. ກົບບໍ່ມີປາກ​ : ໝາຍເຖິງກົບບໍ່ໄດ້ກິນອາຫານກໍ່ອີ່ມທິບເພາະມີເຍື່ອບາງໆສີຂາວປິດປາກຢູ່ ຫລື ອີກຄວາມໝາຍແມ່ນປິດສະໜາທັມໃຫ້ຄົນເຮົາຮັກສາສິນຮັກສາກາຍວາຈາໃຈໃຫ້ດີງາມໃນມື້ນີ້.​2. ນາກບໍ່ມີຮູທະວານ : ໝາຍເຖິງຄວາມອີ່ມໜໍາສຳຣານອຸດົມສົມບູນ ຫລື​ ອີກຄວາມໝາຍແມ່ນໃຫ້ຄົນເຮົາຮູ້ຈັກອ່ອນນ້ອມຖ່ອມຕົນຮູ້ຈັກສຳຣວມກາຍວາຈາໃຈເອົາໄວ້ອ່ອນໂຍນແຕ່ບໍ່ອ່ອນແອຄົງຄວາມສະຖານະຂອງຄວາມເປັນລູກຫລານຜູ້ດີເອົາໄວ້.​3. ໝາກຂາມປ້ອມສຸກຫວານ : ໝາຍເຖິງໝາກໄມ້ທີ່ມີລົດຝາດຈະກັບກາຍມີລົດຫວານໄດ້ຢ່າງອັດສະຈັນປຽບດັ່ງຄົນເຮົາຖ້າມີສິນສະມາທິປັນຍາແລ້ວຈະສາມາດນຳພາຊີວິດເຮົາກ້າວໄປເຖິງສິ່ງທີ່ດີງາມໃນຊີວິດໄດ້ໃນອະນາຄົດ.4. ແມ່ມານທ້ອງແວບ : ໝາຍເຖິງໃຫ້ຄົນເຮົາຮັກສາບຸກຄະລິກກະພາບວາດຊົງອັນສະຫງ່າງາມຂອງຕົນຢ່າງສະເໝີຕົ້ນສະເໝີປາຍມີຄວາມທຸ່ນທ່ຽງແລະເຂົ້າໃຈແຈ້ງເຖິງສັດຈະທຳຂອງຊີວິດ​ແລະມີການວາງຕົນຢ່າງຖືກຕ້ອງຕາມກາລະເທສະໃນເວລາເຂົ້າສັງຄົມ.​

5. ຄົກເປັນໝາກ​ ສາກເປັນໃບ​ ຫົວສີໄຄເປັນດອກ : ໝາຍເຖິງຄຳສອນຂອງເຖົ້າແກ່ບູຮານໃຫ້ຄົນເຮົາຮູ້ຈັກປະກອບສຳມາອາຊີບອັນບໍລິສຸ​ດ​ ມີຄວາມດຸໝັ່ນຂະຫຍັນພຽນ ປະກອບວຽກງານອັນໃດໃຫ້ເກີດດອກອອກຜົນມີຄວາມສຳເລັດທີ່ດີງາມ.​6. ກະຮອກປົ່ງເຂົາ : ໝາຍເຖິງໃຫ້ຄົນເຮົາກຳຈັດຄວາມໂງ່ເຂົາດ້ວຍການດຸໝັ່ນສຶກສາຫາຄວາມຮູ້ປະດັບຕົວ​ ແລະ​ ຮູ້ນຳໃຊ້ຄວາມຮູ້ຄວາມສາມາດສະຕິປັນຍາຂອງຕົນປະກອບສ່ວນເຂົ້າໃນການພັດທະນາ.​7. ຜັກກະເດົາເຊົາຂົມ : ໝາຍເຖິງຄົນເຮົາຕ້ອງເຂົ້າໃຈສັດຈະທຳຂອງຊີວິດ ແລະ​ ຮູ້ວິທີທາງໃນການດັບໄຟກິເລດຕັນຫາຕ່າງໆໃນຊີວິດຄືຮູ້ຫົນທາງການພົ້ນທຸກຕາມຄຳສອນຂອງພຣະພຸດທະເຈົ້າຜູ້ຕັສສະຮູ້ຊອບດ້ວຍພຣະອົງເອງ.​

ວິທີຈັດໂຕະບູຊາຂໍພອນເທວະດາຕາມຮີດຄອງລາວໃນມື້ຂຶ້ນ3ຄ່ຳເດືອນ3ແມ່ນມີດັ່ງນີ້ :1.ພຣະພູດທະຮູບປາງອຸ້ມບາດ​ ຫລື​ ປາງໃດກໍ່ໄດ້ເພື່ອສື່ຄວາມໝາຍເຖິງຕົວແທນຂອງອົງສົມເດັດພຣະສັມມາສັມພຸດທະເຈົ້າຜູ້ເປັນຄູຜູ້ສັ່ງສອນເທວະດາແລະມະນຸດທັງຫລາຍ(ຖ້າມີ)2.ຮູບປັ້ນຊ້າງ,​ ມ້າ, ງົວ,​ ຄວາຍ(ຖ້າມີ)​3.ໝາກເບັງ9ກາບ1ຄູ່4.ໝາກໄມ້7ຫລື9ຊະນິດ​ ແລະ ດອກໄມ້7ຫລື9ສີ5.ເງິນໃຫມ່7ຫລື9ໃບ ແລະ ກະເປົາເງິນ(ຖ້າມີ)6.ທູບ7ຫລື9ສີ​ ແລະ​ ທຽນ7ຫລື9ສີ7.ຈອກໃສ່ນ້ຳດື່ມບໍລິສຸດ3ຈອກ ແລະ ໃສ່ນ້ຳຊາຕົ້ມ3ຈອກ.​8.ຕິບເຂົ້າຫລືໝໍ້ເຂົ້າໃສ່ເຂົ້າສຸກ1ຕິບຫລື1ໝໍ້.

9.ແຕ່ງຂັນ5 ແລະ ຂັນ810.ຂຽນລາຍຊື່ຄົນໃນຄອບຄົວໃສ່ເຈ້ຍເພື່ອອ່ານຂໍພອນ.11.ສະຖານທີ່ຈັດບູຊາຈະຕັ້ງພິທີໃນກາງເຮືອນຫລືໜ້າບ້ານກໍ່ໄດ້ຕາມຄວາມສະດວກຂອງຜູ້ເຮັດພິທີ.12.ເວລາບູຊາແມ່ນສາມາດເລືອກໄດ້ຕາມຄວາມສະດວກຊ່ວງເວລາໃດເວລາໜຶ່ງເຊັ່ນ : ຊ່ວງເຊົ້າໃນລະຫວ່າງ​ເວລາ​3:00ໂມງເຊົ້າ ຫາ 6:00ໂມງເຊົ້າ ຫລື ຊ່ວງບ່າຍ-ແລງແມ່ນໃນລະຫວ່າງເວລາ 15:00ໂມງ ຫາ 18:00ໂມງ ຫລື​ ຊ່ວງເດິກແມ່ນໃນລະຫວ່າງເວລາ 21:00ໂມງ ຫາ 24:00ໂມງ.#ວິທີກ່າວເບື້ອງຕົ້ນຕ້ອງສັກເຄເທວະດາແລະໃຫວ້ພຣະກ່ອນດັ່ງນີ້:▪️ ນະໂມຕັດສະ ພະຄະວະໂຕ ອະຣະຫະໂຕ ສຳມາສຳພຸດທັດສະ 3 ເທື່ອ.

ອິມິນາ ສັກກາເຣນະ ຕັງ ພຸທທັງ ອະພິປູຊະຍາມະ (ມິ) ອະຣະຫັງ ສັມມາສັມພຸທໂທ ພະຄະວາ ພຸທທັງ ພະຄະວັນຕັງ ອະພິວາເທມິ (ຂາບລົງນື່ງເທື່ອ)▪️ອິມິນາ ສັກກາເຣນະ ຕັງ ທັມມັງ ອະພິປູຊະຍາມະ (ມິ) ສວາກຂາໂຕ ພະຄະວະຕາ ທັມໂມ ທັມມັງ ນະມັສສາມິ (ຂາບລົງນື່ງເທື່ອ)▪️ອິມິນາ ສັກກາເຣນະ ຕັງ ສັງຄັງ ອະພິປູຊະຍາມະ (ມິ) ສຸປະຕິປັນໂນ ພະຄະວະໂຕ ສາວະກະສັງໂຄ ສັງຄັງ ນະມາມິ (ຂາບລົງນື່ງເທື່ອ).▪️ສະມັນຕາ ຈັກກະວາເຣສຸ ອັຕຣາຄັຈສັນຕຸ ເທວະຕາ ສັທທັມມັງ ມຸນີຣາຊັສສະ ສຸນັນຕຸ ສັຄຄະໂມກຂະທັງ ສັຄເຄ ກາເມ ຈະຣູເປ ຄິຣິສິຂະຣະຕະເຕ ຈັນຕະ ຣິກເຂ ວິມາເນ ທິເປ ຣັຕເຖ ຈະຄາເມ ຕະຣຸວະ ນະຄະຫະເນ ເຄຫະວັຕຖຸມຫິ ເຂຕເຕ ພຸມມາ ຈາຍັນຕຸ ເທວາ ຊະລະຖະລະວິສະເມ ຍັກຂະ ຄັນທັພພະນາຄາ ຕິຕຖັນຕາ ສັນຕິເກຍັງ.

ມຸນີວະຣະວະຈະນັງ ສາທະໂວເມ ສຸນັນຕຸທັມມັສສະວະນະກະໂລ ອາຍັມພະທັນຕາທັມມັສສະວະນະກະໂລ ອາຍັມພະທັນຕາທັມມັສສະວະນະກະໂລ ອາຍັມພະທັນຕາ.

▪️ຄໍາແປ: ສາທຸ ພວກຂ້ານ້ອຍທັງຫຼາຽ ຂໍອາຣາທນາເທວະດາເຈົ້າທັງຫຼາຽ ເຊິ່ງສະຖິຕຢູ່ເທິງສວັນຊັ້ນຟ້າ ກັບທັງພຣະພຣົມເຊິ່ງສະຖິຕຢູ່ໃນວິມານເທິງພູຜາປ່າໄມ້ ໃນອາກາດແລະດົງດອນ ໃນໄຮ່ນາຮົ້ວສວນ ໃນເຄຫາສະຖານບ້ານຊ່ອງ (ໃນວັດວາອາຣາມ) ອ້ອມແອ້ມທີ່ນີ້ກໍດີ ແລະຂໍອັງເຊີນ ຍັກຂ໌ ຄັນທັບພ໌ ແລະ ນາຄ ເຈົ້າທັງຫຼາຽເຊິ່ງສະຖິຕຢູ່ໃນນໍ້າແລະບົນບົກ ຢູ່ທີ່ຮົກບໍ່ຮາບພຽງອ້ອມແອ້ມທີ່ນີ້ກໍດີ ຂໍຈົ່ງພ້ອມພຽງກັນມາອະນຸໂມທະນາ ຮ່ວມສ້າງບຸນກຸສົນ ບູຊາເທບເທວາ ໃນມື້ເດືອນ3ອອກໃໝ່3ຄ່ຳ ດອມພວກຂ້ານ້ອຍທັງຫຼາຽ ທຸກຕົນທຸກອົງແດ່ກໍຂ້າເຖີ້ນ ສາທຸ.

ນະໂມ ຕັສສະ ພະຄະວະໂຕ ອະຣະຫະໂຕ ສັມມາສັມພຸທທັສສະ (ວ່າສາມເທື່ອ)ພຸທທັງ ສະຣະນັງ ຄັສສະມິທັມມັງ ສະຣະນັງ ຄັສສະມິສັງຄັງ ສະຣະນັງ ຄັສສະມິທຸຕິ ຍັມປິ ພຸທທັງ ສະຣະນັງ ຄັສສະມິທຸຕິ ຍັມປິ ທັມມັງ ສະຣະນັງ ຄັສສະມິທຸຕິ ຍັມປິ ສັງຄັງ ສະຣະນັງ ຄັສສະມິຕະຕິ ຍັມປິ ພຸທທັງ ສະຣະນັງ ຄັສສະມິຕະຕິ ຍັມປິ ທັມມັງ ສະຣະນັງ ຄັສສະມິຕະຕິ ຍັມປິ ສັງຄັງ ສະຣະນັງ ຄັສສະມິ.

▪️ອິຕິປິໂສ ພະຄະວາ ອະລະຫັງ ສຳມາ ສຳພຸດໂທ ວິດຊາ ຈະລະນະ ສຳປັນໂນ ສຸຄະໂຕ ໂລກະວິທູ ອະນຸດຕະໂລ ປຸຣິສະ ທັມມະສາລະຖີ ສັດຖາ ເທວະມະນຸດສານັງ ພຸດໂທ ພະຄະວະຕິ▪️ສວາກຂາໂຕ ພະຄະວະຕາ ທັມໂມ ສັນທິດຖິໂກ ອະກາລິໂກ ເອຫິ ປັສສິໂກ ໂອປະນະຍິໂກ ປັຈຈັດຕັງ ເວທິຕັບໂພ ວິນຍູຫິຕິ▪️ສຸປະຕິປັນໂນ ພະຄະວະໂຕ ສາວະກະສັງໂຄ ອູຊຸປະຕິປັນໂນ ພະຄະວະໂຕ ສາວະກະສັງໂຄ ຍາຍະປະຕິປັນໂນ ພະຄະວະໂຕ ສາວະກະສັງໂຄ ສາມິຈິປະຕິປັນໂນ ພະຄະວະໂຕ ສາວະກະສັງໂຄ ຍະທິທັງ ຈັດຕາຣິ ປຸລິສະ ຍຸຄານິ ອັດຖະ ປຸຣິສະ ປຸກຄະລາ ເອສະ ພະຄະວະໂຕ ສາວະກະສັງໂຄ ອາຫຸນັຍໂຍ ປາຫຸນັຍໂຍ ທັກຂິນັຍໂຍ ອັນຊະລິກາລະນິໂຍ ອະນຸດຕະລັງ ປຸນຍັກ ເຂຕັງ ໂລກັດສາຕິ.

▪️ອຸກາສະ ວັນທາມິ ພັນເຕ ເຈຕິຍັງ ສັບພັງ ສັບພັດຖະ ຖາເນ ສຸປະຕິດຖິຕັງ ສາຣີຣິກະທາຕຸ ມະຫາໂພທິງ ພຸດທະຣູປັງ ສັກາຣັງ ສະທາ ວະຈະສາ ມະນະສາ ເຈວະ ວັນທາ ເມ ເຕ ຕະຖາຄະເຕ ສະຍາເນ ອາສະເນ ຖາເນ ຄະມະເນ ຈາປິ ສັບພະທາ. (ຂາບລົງ)▪️ອຸກາສະ ວັນທາມິ ພັນເຕ ສັບພັງ ອະປະຣາທັງ ຂະມະຖະ ເມ ພັນເຕ ມະຍາກະຕັງ ປຸນຍັງ ສາມິນາ ອະນຸໂມທິຕັບພັງ ສາມິນາກະຕັງ ປຸນຍັງ ໄມຫັງ ທາຕັບພັງ ສາທຸ ສາທຸ ອະນຸໂມທາມິ. (ຂາບລົງ)▪️ ຕໍ່ໄປກ່າວຊື່ນາມສະກຸນຕົນເອງ ແລ້ວຕັ້ງຈິດອະທິຖານຂໍພອນເອົາ ຄຳໃດດີກໍ່ເວົ້າປະກອບໃສ່ .(ຂຽນພໍເປັນແນວທາງ ອາດຈະແຕກຕ່າງກັນແຕ່ລະຄູບາອາຈານ)

******* ຄໍາກ່າວບູຊາ ******ໄຕ້ທູບ ທຽນຂຶ້ນ ຈັບພາບູຊາແລ້ວກ່າວ:ສາທຸ ສາທຸ ມື້ນີ້ເປັນມື້ສັນວັນດີ ວັນເສດຖີ ອະມຸດຕະໂສກ ເປັນມົງຄຸນເລີກຍາມດີ,ວັນເບີກຟ້າ ມະຫາໄຊ,ວັນເລົ້າເຂົ້າໃຫຍ່ ເປີດກວ້າງ,ວັນໄຂປ່ອງເຂົ້າ ເອົາຊັບ,ວັນຈັບເງິນຄໍາແກ້ວ,ວັນແປວປ່ອງ ເງິນທອງຫຼັ່ງໄຫຼ,

ວັນອັດໄພ ໄຫຼລ່ວງ,ວັນໂຊກໃຫຍ່ ເຂົ້າເຮືອນ,ລູກຫຼານຂໍຮັບໂຊກ,ຕົກແຕ່ງຂັນໂຕກ ພາຫວານ,ແຕ່ງພາພານ ແລະ ຂັນຫ້າ,ແຕ່ງດາພ້ອມ ເຂົ້າເປືອກເຂົ້າສານ,ມີພາຫວານຄາວ ພ້ອມທຸກສິ່ງຂໍນ້ອມຍິ່ງບູຊາ..ມື້ນີ້ ເປັນວັນ ມະຫາມຸງຄຸນແທ້.

ມື້ອອກໃຫມ່3ຄໍ່າ ເດືອນສາມງາມພ່ຳພ້ອມຕາມບູຮານກ່າວໄວ້ປູ່ຍ່າໄທ້ ລຸງຕາສ້າງທຳມາ ແຕ່ກ່ອນໄຫວ້ວອນຕໍ່ ພຣະຈອມໄຕຣພຸດທັມສົງ ອົງຫນໍ່ແກ້ວອົງຜ່ານແຜ້ວ ສັບພັນຍູໄຫວ້ບູຊາ ເທບໄທ້.

ອົງປົກປ້ອງ ເຮືອນຊານໄຫວ້ບູຊາ ພູມມາ ແລະ ເຈົ້າບ້ານຜູ້ບຸນກວ້າງ ໄດ້ປົກປັກເທພາລັກ ອົງລໍ້າຂໍນ້ອມພ່ຳ ບູຊາພວກລູກທັງຫຼາຍ ໝາຍມີ:……(ຊື່ຄົນໃນຄອບຄົວ)

ໄດ້ພ້ອມກັນມາມື້ນີ້ຂໍໄຫວ້ຕໍ່ເຈົ້າທີ່ເຈົ້າຖານ ເຈົ້າບ້ານເຈົ້າເຮືອນເທພາອາລັກ ທັງຫຼາຍຂໍບູຊາດ້ວຍທູບທຽນແລະດອກໄມ້ພາຫວານໝາກໄມ້ທັງຫລາຍເພື່ອເຮັດຕາມຮີດ ສືບຕາມຄອງ ຜູ້ເຖົ້າບູຮານແຕ່ເກົ່າເພື່ອເປີດໂຊກເອົາໄຊ ຂັບຈັງໄຮເວນໄພ ແລະ ອຸບາດ.

ຂໍບູຊາແດ່ເທບພະເຈົ້າສິ່ງສັກສິດທັງຫຼາຍຂໍໃຫ້ປົກປັກຮັກສາໃຫ້ລູກຫຼານທັງຫຼາຍຫາຍໂລກໄພມີໂຊກໃຫຍ່ຫລັ່ງໄຫລເຂົ້າມາຫາຄ້າຂາຍຫງາຍມືກໍ່ຂໍໃຫ້ຄ່ອງແຄ້ວເງິນຄໍາແກ້ວໄຫຼມາໂຮມມາຈັບອັນໃດກໍ່ຂໍໃຫ້ຂຶ້ນໃຫ້ເກີນໃຫ້ຈະເລີນໄປໜ້າ.

ສ້າງອັນໃດກໍ່ໃຫ້ຮຸ່ງ ໃຫ້ເຮືອງເຫຼືອງເຫຼື້ອມຂໍໃຫ້ພວກລູກຫຼານທັງຫຼາຍມີໂຊກມີໄຊຫາຍທຸກຫາຍໂສກ ຫາຍໂຣກຫາຍໄພ ຫ່າງໄກໂຄວິດ19 ຂໍໃຫ້ຢູ່ຊຸ່ມກິນເຢັນ ທຸກຜູ້ທຸກຄົນ ນັ້ນແດ່ກໍ່ຂ້າເທີ້ນ…. ສາທຸ ສາທຸ ສາທຸ ອະນຸໂມທາມິ (ເພິ່ມເຕີມຄຳເວົ້າໃສ່ໄດ້ຕາມສະດວກ)—————————_———————————————.ໄຫວ້ແລ້ວ ທູບຫມົດຈຶ່ງຈັດມ້ຽນ ຕາມເດີມ ເຄື່ອງຫວານຄາວ ໝາກໄມ້ ແບ່ງປັນໃຫ້ລູກຫຼານຄົນໃນເຮືອນໄດ້ກິນຕາມສະດວກ ເພື່ອຄວາມເປັນສີຣິມຸງຄຸນ.ຈົບ….

ອາຕະມາຂໍອ້າງເອົາຄຸນສິນຄຸນທຳມາປົກປ້ອງຄຸ້ມຄອງອຳນວຍອວຍພອນໄຊໃຫ້ທຸກທ່ານໂຊກດີ​ ໃນພິທີສຳຄັນທາງດ້ານຮີດຄອງປະເພນີລາວບູຮານ ທີ່ມີຕຳນານອັນພົ້ນເດັ່ນດີງາມດັ່ງກ່າວມາແລ້ວເທີ້ນ ສາທຸ ສາທຸ ສາທຸ ອະນຸໂມທາມິ ພ້ອມດຽວກັນນີ້ຂໍຖືໂອກາດເຊີນຊວນໃຫ້ທຸກທ່ານຊ່ວຍກັນຮັກສາຮີດຄອງທີ່ດີງາມນີ້ໃຫ້ຍືນຍົງຄົງຢູ່ກັບລູກຫລານລາວຕະຫລອດໄປ​.#ຂໍຂອບໃຈຂໍ້ມູນສ່ວນໜື່ງຈາກວາລະສານເທວາ

Related Articles

Leave a Reply

Your email address will not be published.

Back to top button