ຂ່າວທົວໄປ

ມາຮູ້ຈັກ..!! ປະຫວັດຄວາມເປັນມາຂອງ ໝາກເບັງ ເຄື່ອງສັກກາລະຂອງຊາວພຸດລາວ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ



ເມື່ອເວົ້າເຖິງ ເຄື່ອງສັກກາລະບູຊາ ໃນວັດວາອາຮາມ ຂອງຄົນລາວເຮົາແລ້ວ ນອກຈາກຈະມີດອກໄມ້ທູບທຽນແລ້ວ ຂັນໝາກເບັງ ກໍ່ເປັນອີກໜື່ງຢ່າງທີ່ຂາດບໍ່ໄດ້.

ຂັນໝາກເບັງ ແມ່ນຈະປະກອບດ້ວຍໃບຕອງ ດອກໄມ້ຕ່າງໆເຊັ່ນ ດອກດາວເຮືອງ ດອກຮັກ ດອກຈຳປາ ດອກສາມປີ ແລະ ອື່ນໆ ຕາມແຕ່ລະທ້ອງຖິ່ນທີ່ຫາໄດ້ ເຊິ່ງໝາກເບັງຈະນິຍົມເຮັດຫຼາຍຊັ້ນ ຕາມຄວາມເໝາະສົມ ເຊັ່ນ ໝາກເບັງ 3 ກາບ 5 ກາບ 9 ກາບ ແລະ 15 ກາບ ໂດຍຈະເນັ້ນໃຫ້ເປັນເລກຄິກ.

ຂັນໝາກເບັງ ແມ່ນມີຄວາມເປັນມາທີ່ຕິດພັນ ກັບຊີວິດຄົນລາວພຸດຂອງພວກເຮົາ ມາເປັນໄລຍະເວລາຍາວນານ ໃນສະໄໝຂອງເຈົ້າຟ້າງຸ່ມມະຫາລາດ ພຣະເຈົ້າແຜ່ນດິນນະຄອນຊຽງທອງ (ລ້ານຊ້າງ) ມີອັກຄະລະມະເຫສີ ພະນາມວ່າ ນາງແກ້ວເກງຍາ ຫຼື ນາງແກ້ວກັນລະຍາ ຕາມຈາຣິດດັ້ງເດີມນັ້ນ ມີການບວງສວງຜີມະເຫສັກຫຼັກເມືອງ ເພາະລ້ານຊ້າງຍັງນັບຖືຜີ ເມື່ອພຮະອົງທັງສອງ ໄດ້ຮ່ວມພິທີລ້ຽງຜີເມືອງ ຜີແຖນຫຼວງຂອງລ້ານຊ້າງ (ປູເຢີ-ຢາເຢີ) ຕາມຈາຣິດນັ້ນ ເສນາອຳມາດຕ້ອງໄດ້ຂ້າຄວາຍ ເພື່ອບູຊາຜີທັງຫຼາຍ ເມື່ອນາງແກ້ວກັນລະຍາທອດພະເນດແນວນັ້ນ ຈຶ່ງໄດ້ໃຫ້ຂ້າຫຼວງຂອງເພິ່ນ ໄປທູນຕໍ່ພຣະຣາດຊະບິດາ ທີ່ຢູ່ກຳປູເຈຍ ເພື່ອນຳເອົາສາສະໜາມາປະດັບໄວ້ໃນລ້າງຊ້າງ ຫຼັງຈາກນັ້ນ ພຣະຣາຊາບິດາຂອງເພິ່ນຈຶ່ງໄດ້ ພຮະຣາດຊະທານຄຳພີພຸດທະສາສະໜາ ນຳພຣະສົງ ແລະ ພຣະບາງ (ພຣະພຸດທະຮູບ) ມາປະດິດສະຖານໄວ້ທີ່ນະຄອນຊຽງທອງ.

ເມື່ອຮູ້ຂ່າວການມາເຖິງຂອງພຣະບາງ ໃນອານາຈັກລ້ານຊ້າງ ຕ່າງພາກັນປິຕິຍິນດີ ແລະ ພ້ອມພຽງກັນປະດິດຂັນໝາກເບັງ ດ້ວຍໃບຕອງ ປະດັບດ້ວຍດອກໄມ້ ໝາກພູ ເພື່ອມາສັກກາລະບູຊາ ແລະ ຊຽງທອງ ຈື່ງໄດ້ປ່ຽນຊື່ມາເປັນ ຫຼວງພະບາງ ນັບແຕ່ນັ້ນມາ ຊາວຫຼວງພະບາງ ຈຶ່ງເກີດຄ່ານິຍົມທາງດ້ານສາສະໜາກ່ຽວກັບພິທີກຳຕ່າງໆ ປະຕິບັດສືບຕໍ່ກັນມາເລື້ອຍໆ ວິວັດທະນາການຕາມຍຸກສະໄໝ ຈົນກາຍເປັນປະເພນີອັນດີງາມຂອງຊາດ ເປັນເອກະລັກຂອງຊາດ ທີ່ແຝງດ້ວຍ ຄວາມໝາຍຊົງຄຸນຄ່າທາງດ້ານ ສິລະປະ ວັດທະນະທຳ ຄວາມສາມັກຄີໃນຜູ້ຄົນໃນບ້ານເມືອງ.

ປັດຈຸບັນ ຂັນໝາກເບັງ ແມ່ນໃຊ້ເຂົ້າໃນພິທີກຳຕ່າງໆ ເປັນຕົ້ນແມ່ນ ບູຊາພຣະ ຖວາຍແດ່ພຣະສົງ ເຮັດບຸນເຮືອນ ງານມຸງຄຸນຕ່າງໆ.

ຂໍ້ມູນ ພຣະອາຈານ ປທ ທອງພັນ ປັນຍາວັງໂສ ແລະ ເວັບໄຊ ອິນໄຊລາວ

Related Articles

Leave a Reply

Your email address will not be published.

Back to top button