ຂ່າວທົວໄປ

ໂຄວິດ…ສໍາລັບຜູ້ທີ່ແຂງແຮງ ບໍ່ມີໂລກປະຈໍາຕົວ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ



ໂຄວິດ…ສໍາລັບຜູ້ທີ່ແຂງແຮງ ບໍ່ມີໂລກປະຈໍາຕົວ.

ອາດຈະເປັນແຄ່ໄຂ້ຫວັດທໍາມະດາ ແຕ່ສໍາລັບຄອບຄົວຂ້ອຍ ແມ່ນເປັນວິກິດຄັ້ງຍິ່ງໃຫ່ຍທີ່ສຸດ ໃນຊີວິດ ເຮັດໃຫ້ເກືອບເສຍ ຜູ້ທີ່ເປັນຫົວຫນ້າຄອບຄົວທີ່ຮັກໄປ ຍ້ອນໂຄວິດລົງປອດ.

ເພາະວ່າຕອນແລກມີຄວາມເຂົ້າໃຈວ່າໂຄວິດມັນນ່າຈະບໍ່ຮຸນແຮງ ຫລືເຊື້ອຫມັ້ນວ່າໂຕເອງແຂງແຮງພໍ ເລີຍຂໍປິ່ນປົວຢູ່ບ້ານ ກິນຢາຕາມຫມໍສະເພາະທາງເພິ່ນວາງໃຫ້ ແຕ່ຮ່າງກາຍແລະພູມຕ້ານທານແຕ່ລະຄົນບໍ່ຄືກັນ ໂຄວິດລົງປອດຈົນໄດ້.

ສະນັ້ນ ຢາກໃຫ້ທຸກຄົນໄດ້ເປັນບົດຮຽນນໍາກັນ ປ້ອງກັນໃຫ້ດີທີ່ສຸດ ແຕ່ຖ້າມັນສຸດວິໃສ ຫາກໄດ້ຕິດແລ້ວ ແມ່ນໃຫ້ໃສ່ໃຈໃນການປິ່ນປົວໃຫ້ດີ ເຖິງຈະພັກເບິ່ງອາການຢູ່ບ້ານ ຫລືສູນກັກໂຕ ກໍໃຫ້ສັງເກດຕົວເອງຢູ່ຕລອດ ຕ້ອງຫມັ່ນວັດແທກ ອົກຊີເຈນປາຍນິ້ວມື ຄົນທີ່ຕິດໂຄວິດແລ້ວ ຕ້ອງມີໂຕນີ້ຕິດໂຕແລະແທກເປັນປະຈໍາ.

ວ່າມີຫຍັງຜິດປົກກະຕິບໍ່ ນອກຈາກ ໄຂ້ ຫວັດ ໄອ ປະມາດບໍ່ໄດ້ເດັດຂາດ ເພາະສຸກຂະພາບແຕ່ລະຄົນບໍ່ຄືກັນ ບ້ານຂ້ອຍຕິດໂຄວິດທັງຫມົດ 8ຄົນ ມີທັງໂຕເອງ ລູກຊາຍສອງຄົນ ແມ່ ຜົວ ນ້ອງໃພ້ ນ້ອງເຂີຍ ແລະຍັງມີນ້ອງສາວ ທີ່ຖືພາທ້ອງໃຫ່ຍເດືອນຄອງແລ້ວ ຕິດນໍາ ທຸກຄົນຢູ່ໃນຫມວດຜູ້ປ່ວຍສີຂຽວ ຍົກເວັ້ນ ນ້ອງສາວຖືພາທ້ອງໃຫ່ຍ ທີ່ມີຜົນຂ້າງຄຽງແລະຜົວ ທີ່ ໂຄວິດລົງປອດ ຕ້ອງໄດ້ດິ້ນລົນ ຊອກຫາໂຮງຫມໍນອນ.

ເພາະທຸກໂຮງຫມໍຕຽງສະເພາະປົວໂຄວິດບໍ່ວ່າງເລີຍ ຈົນໄດ້ໄປເສຍເວລານອນຖ້າຕຽງວ່າງ ເປັນມື້ ເປັນຄືນ ເຮັດໃຫ້ຄົນເຈັບ ອ່ອນເພຍເປ້ຍລ່ອຍ ເກືອບຈະລ່າຊ້າໃນການປິ່ນປົວ☹️ ແຕ່ໃນທີ່ສຸດທຸກຄົນ ກະໄດ້ຮັບການປິ່ນປົວ ແລະໄດ້ອອກໂຮງຫມໍກັບມາເຮືອນຄົບກັນ ໃນມື້ນີ້ແລ້ວ.

ຢາກບອກວ່າ ໂຄວິດເປັນອີ່ຫຍັງທີ່ຮ້າຍແຮງ ແລະເປັນຕາຢ່ານທີ່ສຸດ ສໍາລັບຂ້ອຍ ມັນເປັນຊ່ວງເວລາທີ່ແສນທໍລະມານ ຫົວໃຈແທບແຕກສະຫລາຍ ຫົດຫູ່ຈິດໃຈທີ່ສຸດ ໃນຫົວມີແຕ່ ຜົວ ລູກ ແມ່ ນ້ອງໆແລະທຸກຄົນໃນຄອບຄົວ ຕອນນັ້ນ ບໍ່ມີແຮງທີ່ຈະຕອບອິນບັອກລູກຄ້າ ຫລືໃຜໃຜ ມີແຕ່ລົມກັບຫມໍແລະເບິ່ງຍູທູປ ກູເກີລ ເບິ່ງວິທີບໍາບັດ ຮັກສາຊ່ວຍຢາແລະທ່ານຫມໍ ສຸດແຕ່ຮັກສາ.

ລະມັດລະວັງ ແຕ່ກະຕິດຈົນໄດ້ ເຮັດໃຫ້ ຄົນລັງກຽດ ຄອບຄົວຕ້ອງແຍກກັກໂຕ ແຍກຢູ່ກິນ ແຖມຍັງເຮັດໃຫ້ເຈັບຫນັກຈົນໄດ້ໄປນອນໃສ່ອົກຊີຢູ່ໂຮງຫມໍຫລາຍຄືນ? ຍັງໂຊກດີ ທີ່ລອດຄືນມາໄດ້ ແຕ່ມັນກະບໍ່ງ່າຍ ຍັງມີຜົນຕາມມາຕໍ່ສຸກຂະພາບຫລາຍຢ່າງ ເພາະປອດທີ່ຍັງບໍ່ສົມບູນ ເຮັດໃຫ້ພູມຕ້ານທານໃນຮ່າງກາຍຕໍ່າ.

?ຂອບໃຈ ທີ່ສຸດດດ ທາງທີມແພດຫມໍໂຮງຫມໍ103 ທີ່ເພິ່ນຮັບເອົາເຂົ້ານອນປິ່ນປົວທີ່ໂຮງຫມໍກ່ອນ ທັ້ງທີ່ຍັງບໍ່ມີຕຽງວ່າງເລີຍ ເພິ່ນກະໃຫ້ ໄປນອນໃສ່ຢາຢູ່ຫ້ອງສັກຢາຄົນເຈັບກ່ອນ ເພື່ອລໍຖ້າມີຕຽງວ່າງ ທາງທີມແພດ ເອົາໃຈໃສ່ປິ່ນປົວດູແລ ຂອບໃຈພໍ່ແມ່ ປູ່ຍ່າ ຍາດຕິພີ່ນ້ອງ ຫມູ່ຄູ່ ທຸກຄົນ.

ທີ່ໃຫ້ການຊ່ວຍເຫລືອ ບໍ່ວ່າຈະເປັນ ວັດຖຸເງິນຄໍາ ສົ່ງອາຫານການກິນ ໃຫ້ຢາຮັກສາໂລກ ໃຫ້ຄໍາປຶກສາແລະສົ່ງກໍາລັງໃຈມາໃຫ້ ຂໍໃຫ້ທຸກຄົນ ປອດໄພຈາກໂຄວິດແລະພະຍາດໂລຄາຕ່າງໆ ຂໍໃຫ້ໄດ້ພົບ ແຕ່ຄວາມສຸກ ຄວາມຈະເລີນຕລອດໄປດ້ວຍເທີນ??

ຂອບໃຈ ຄອບຄົວອ້າຍເອື້ອຍນ້ອງທຸກຄົນ ທີ່ໃຫ້ກໍາລັງໃຈ ຫ່ວງໄຍ ເບິ່ງແຍງເປັນຢ່າງດີ?.

ຂອບໃຈ ສ່ຽວຮັກ ນາງ ສຸປາວີ ເພັດທະລາກຸນ ຢູ່ເປັນຫມູ່ທາງ ສາຍໂທລະສັບທຸກຄືນ ຫມູ່ນອນບໍ່ໄດ້ ກະຄອຍປອປ ຄອຍໃຫ້ກໍາລັງໃຈ ຄອຍຕິດຕາມອາການຄົນເຈັບໄປນໍາກັນ?

ขอบคุนมากๆค่ะRathawit Suntorn ที่เปนทั้งเพื่อนและคุนหมอให้คำปรืกสา ที่ดีที่สุด ทั้งกานให้ยาและกานบำบัดช่วยเหลือผู้ป่วย ให้ดีขื้นได้??

(ຖ້າໃຜມີອາການຢູ່ ຫລືວ່າບໍ່ຮູ້ຈະປິ່ນປົວແບບໃດໃຫ້ຖືກວິທີ ສາມາດປຶກສາໄດ້ເດີ ສົ່ງອິນບອັກມາຖາມໄດ້ເດີ ບາງທີປຮະສົບການອາດຊ່ວຍເຫລືອແນະນໍາໄດ້)

ທີ່ມາ.

Related Articles

Leave a Reply

Your email address will not be published.

Back to top button