ຂ່າວທົວໄປ

ໂຮງໝໍໃນອົດຕຣາລີແຈ້ງຜົນກວດຜິດ

ໂຮງໝໍແຈ້ງຜົນກວດຜິດຈາກຄົນທີ່ຕິດໂຄວິດ-19 ກາຍເປັນບໍ່ຕິດໂຄວິດ ຈໍານວນ 400 ຄົນ
ເວັບໄຊ້ຂ່າວຕ່າງປະເທດ ໄດ້ລາຍງານວ່າ: ໃນວັນທີ 26 ທັນວາ 2021 ຜູ້ອໍານວຍການຝ່າຍພະຍາດວິທະຍາຂອງໂຮງໝໍເຊນ ວິນເຊນ ໃນນະຄອນ ຊິດນີ ຂອງປະເທດອົດສະຕຣາລີ ໄດ້ອອກມາຖະແຫຼງຄໍາຂໍໂທດຕໍ່ກັບປະຊາຊົນ 400 ຄົນ

ທີ່ເຂົ້າມາກວດຫາເຊື້ອໂຄວິດ-19 ເນື່ອງຈາກໂຮງໝໍໄດ້ແຈ້ງຜົນກວດຜິດ ເຊິ່ງຄວາມຈິງແລ້ວຜູ້ທີ່ເຂົ້າມາກວດ 400 ຄົນນັ້ນແມ່ນຕິດເຊື້ອໂຄວິດ-19 ແຕ່ທາງໂຮງໝໍໄດ້ແຈ້ງຜິດວ່າບໍ່ໄດ້ຕິດເຊື້ອ.

ຕອນນີ້ທາງໂຮງໝໍໄດ້ກະກຽມທີມເພື່ອຮັບມືກັບສະຖານະການສຸກເສີນເພື່ອສືບສວນກ່ຽວກັບຄວາມຜິດພາດທີ່ເກີດຂຶ້ນ ໂດຍເບື້ອງຕົ້ນເຊື່ອວ່າເປັນຄວາມຜິດຈາກການເຮັດວຽກຂອງພະນັກງານ.

ເນື່ອງຈາກໃນອາທິດທີ່ຜ່ານມາເປັນຊ່ວງທີ່ປະຊາຊົນເຂົ້າຮັບການກວດໂຄວິດ-19 ເປັນຈໍານວນຫຼາຍ ພ້ອມກັນນີ້ທາງໂຮງໝໍໄດ້ມີການຕິດຕໍ່ຫາຜູ້ຕິດເຊື້ອເພາະມີໂອກາດສູງທີ່ຄົນກຸ່ມນີ້ຈະແຜ່ເຊື້ອໃຫ້ກັບຄອບຄົວໃນຊ່ວງການສະຫຼອງເທດສະການຄຣິດສະມາສ.

Related Articles

Leave a Reply

Your email address will not be published. Required fields are marked *

Back to top button