ຂ່າວທົວໄປ

ນະຄອນຫລວງວຽງຈັນ ເປີດການຮຽນ-ການສອນຄີຶນ ວັນທີ່ 27 ທັນວານີ້

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ



ກຳນົດ 5 ວັນປະເມີນການສຶກສາຢູ່ນະຄອນຫຼວງ ໂດຍໃຫ້ເຮັດທົດລອງເປີດຮຽນຄືນໃນສະຖານການສຶກສາ ເລີ່ມອາທິດໜ້າ

ພະຍາດໂຄວິດ-19 ຍັງຈະແກ່ຍາວໄປອີກດົນ ເຊິ່ງຂະແໜງການສືກສາບໍ່ອາດຈະຢຸດສະງັກແບບນີ້ອີກຕໍ່ໄປ.

ດັ່ງນັ້ນ, ກະຊວງສຶກສາທິການ ແລະ ກິລາ ໄດ້ອອກແຈ້ງການເລກທີ1217/ສສກ ລົງວັນທີ17 ທັນວາ 2021 ເລື່ອງການປະຕິບັດມາດຕະການ ແລະ ຂໍ້ແນະນຳປະເມີນສະຖານການສຶກສາ ທີ່ຈະເປີດຮຽນຄືນ ຢູ່ເຂດທີ່ມີການລະບາດຂອງພະບາດ ໂຄວິດ-19.

ໄດ້ລະບຸວ່າ: ສຳລັບນະຄອນຫຼວງວຽງຈັນ ໃນສູນການສຶກສາ, ສະຖານການສຶກສາກ່ອນໄວຮຽນ, ປະຖົມສຶກສາ ແລະ ມັດທະຍົມສຶກສາຕອນຕົ້ນທັງພາກລັດ ແລະ ເອກະຊົນ ທີ່ຢູ່ເມືອງໃດແມ່ນໃຫ້ຄະນະປະເມີນຂັ້ນເມືອງລົງປະເມີນ ແລະ ສະເໜີ ຄະນະສະເພາະກິດຂັ້ນເມືອງ ອະນຸມັດເປັນແຕ່ລະກໍລະນີ.

ສ່ວນຊັ້ນມັດທະຍົມສຶກສາຕອນປາຍ ທັງພາກລັດ ແລະ ເອກະຊົນ, ການສຶກສານອກໂຮງຮຽນ ແມ່ນໃຫ້ຄະນະປະເມີນຂັ້ນນະຄອນຫຼວງລົງປະເມີນ ແລະ ສະເໜີ ຄະນະສະເພາະກິດຂັ້ນນະຄອນຫຼວງອະນຸມັດ.

ການສຶກສາຄູ, ອາຊີວະສຶກສາ ແລະ ການສຶກສາຊັ້ນສູງ, ໂຮງຮຽນເອກະຊົນນາໆຊາດ, ສູນການສຶກສາຂອງຕ່າງປະເທດ ແມ່ນໃຫ້ຄະນະປະເມີນຂັ້ນນະຄອນຫຼວງລົງປະເມີນ ແລະ ສະເໜີ ຄະນະສະເພາະກິດຂັ້ນນະຄອນຫຼວງ ອະນຸມັດເປັນແຕ່ລະກໍລະນີ ແລ້ວລາຍງານໃຫ້ກະຊວງສຶກສາທິການ ແລະ ກິລາ ເພື່ອຊາບ.

ຕໍ່ກັບໄລຍະເວລາໃນການເຮັດທົດລອງຢູ່ນະຄອນຫຼວງວຽງຈັນແມ່ນໃຫ້ເຜີຍແຜ່ຄຳແນະນຳ ແລະ ແຕ່ງຕັ້ງຄະນະຮັບຜິດຊອບແຕ່ລະຂັ້ນ ໃນລະຫວ່າງວັນທີ 20-24 ທັນວາ 2021 ໃຫ້ສຳເລັດ,

ຫຼັງຈາກນັ້ນ ໃຫ້ດຳເນີນການເຮັດທົດລອງເປີດຮຽນຄືນໃນສະຖານການສຶກສາ ທີ່ຢູ່ໃນເຂດທີ່ຍັງມີການລະບາດໃນຊຸມຊົນ ແຕ່ວັນທີ 27 ທັນວາ 2021 ເປັນຕົ້ນໄປ ແລະ ໃຫ້ຈັດກອງປະຊຸມສະຫຼຸບຖອດຖອນບົດຮຽນ ໃນລະຫວ່າງວັນທີ 04-07 ມັງກອນ 2022.

ຂໍ້ມູນ ເສດຖະກິດການຄ້າ

Related Articles

Leave a Reply

Your email address will not be published.

Back to top button