ຂ່າວທົວໄປ

ກະຊວງສຶກສາທິການ ແລະ ກິລາ ຄາດວ່າໃນມໍ່ໆນີ້ກໍຈະເລີ່ມເປີດການຮຽນການສອນຫຼັກສູດສາຍສາມັນສຶກສາ ໃນນະຄອນຫຼວງວຽງຈັນຢ່າງເປັນທາງການ.

ກະຊວງສຶກສາທິການ ແລະ ກິລາ ຄາດວ່າໃນມໍ່ໆນີ້ກໍຈະເລີ່ມເປີດການຮຽນການສອນຫຼັກສູດສາຍສາມັນສຶກສາ ໃນນະຄອນຫຼວງວຽງຈັນຢ່າງເປັນທາງການ.

ກົມສາມັນສຶກສາ ກະຊວງສຶກສາທິການ ແລະ ກິລາ (ສສກ) ຮ່ວມກັບ ກະຊວງສາທາລະນະສຸກ, ອົງການສະຫະປະຊາຊາດ ສຳລັບເດັກ ປະຈຳສປປ ລາວ ແລະ ພາກສ່ວນອື່ນໆ ຈັດກອງປະຊຸມປືກສາຫາລືກ່ຽວກັບການຈັດຕັ້ງປະຕິບັດການຮຽນການສອນຫຼັກສູດສາມັນສຶກສາ ເພື່ອການແນະນຳສຳລັບການເປີດສະຖານການສຶກສາທີ່ປອດໄພ ໃນທົ່ວປະເທດ ໄລຍະການແຜ່ລະບາດຂອງເຊື້ອພະຍາດສາຍພັນໃໝ່ໂຄວິດ-19, ແຜນພັດທະນາຂະແໜງການສຶກສາ ແລະ ກິລາ 5 ປີ ຄັ້ງທີ 9 ແລະ ແຜນບູລິມະສິດຂອງຂະແໜງການຍ່ອຍສາມັນສຶກສາ ຈະເລີ່ມປະເມີນການຈັດຕັ້ງປະຕບັດ.

.ກອງປະຊຸມໃນຄັ້ງນີ້ ໄດ້ມີຂຶ້ນ ເມື່ອວັນທີ 13 ທັນວາ ຜ່ານມາທີ່່ໂຮງແຮມ ດອນຈັນພາເລດ ນະຄອນຫຼວງວຽງຈັນ ໂດຍພາຍໃຕ້ການເປັນປະທານຮ່ວມຂອງທ່ານ ນາງ ຄຳປະເສີດ ກິຕິຍະວົງ ຫົວໜ້າກົມສາມັນສຶກສາ, ທ່ານ ນາງ ລີໂອຕັດສ ລູໂກ ເຮລີນ ຫົວໜ້າພະແນກສຶກສາ ອົງການສະຫະປະຊາຊາດ ສຳລັບເດັກປະຈຳ ສປປ ລາວ ແລະ ທ່ານ ສົມໄຊ ອິນທະສອນ ຫົວໜ້າແຜນງານສຶກສາ ອົງການຊ່ວຍເຫຼືອເດັກສາກົນ ປະຈຳສປປ ລາວ ພ້ອມດ້ວຍບັນດາຫົວໜ້າກົມ-ຮອງຫົວໜ້າກົມ, ຫົວໜ້າ-ຮອງຫົວໜ້າພະແນກຈາກກົມວິຊາການອ້ອມຂ້າງກະຊວງ ສສກ ແລະ ກະຊວງສາທາລະນະສຸກ ຕະຫຼອດຮອດຄູ່ຮ່ວມພັດທະນາຈາກຫຼາຍອົງການ.

ກອງປະຊຸມດັ່ງກ່າວ ໄດ້ມີການປືກສາຫາລືຫຼາຍຫົວຂໍ້ ໂດຍສະເພາະກ່ຽວກັບການປະເມີນຄວາມເປັນໄປໄດ້ໃນການກຽມເປີດການຮຽນການສອນຫຼັກສູດໃນສະຖານການສຶກສາ ສາຍສາມັນສຶກສາ ທີ່ປັດຈຸບັນບໍ່ສາມາດເປີດການຮຽນການສອນໄດ້ ຍ້ອນການແຜ່ລະບາດຂອງເຊື້ອພະຍາດໂຄວິດ-19 ແນໃສ່ເຮັດໃຫ້ຄູ່ຮ່ວມພັດທະນາ ເຫັນສະພາບຄວາມເປັນຈິງ ຜ່ານການປະເມີນກໍມີບາງແຂວງທີ່ສາມາດເປີດການຮຽນການສອນໄດ້ແລ້ວ ແຕ່ເວົ້າສະເພາະບັນດາໂຮງຮຽນພາຍໃນນະຄອນຫລວງວຽງຈັນ

ປັດຈຸບັນບໍ່ສາມາດເປີດຫຼັກສູດໄດ້ເທື່ອ ຫາກສາມາດປະເມີນໂຮງຮຽນໃດໄດ້ເກືອບຮ້ອຍສ່ວນຮ້ອຍ ໃນການຈັດຕັ້ງປະຕິບັດມາດຕະການທີ່ຂັ້ນເທີງວາງອອກ ເພື່ອຕ້ານ ແລະ ສະກັດກັ້ນປ້ອງກັນພະຍາດໂຄວິດ-19 ກໍຈະອະນຸຍາດໃຫ້ເປີດການຮຽນການສອນ ເພື່ອໃຫ້ທັນກັບສະພາບການ ແລະ ແທດເໝາະກັບການຮຽນການສອນໃຫ້ສຳເລັດຕາມແນວທາງນະໂຍບາຍຂອງກະຊວງ ສສກ ໃຫ້ປະກົດຜົນເປັນຈິງ ແລະ ຄາດວ່າໃນມໍ່ໆນີ້ກໍຈະເລີ່ມເປີດການຮຽນການສອນຫຼັກສູດສາຍມັນສຶກສາ ໃນນະຄອນຫຼວງວຽງຈັນຢ່າງເປັນທາງການ.ທີ່ມາ: ສຶກສາ ແລະ ກິລາ

Related Articles

Leave a Reply

Your email address will not be published. Required fields are marked *

Back to top button