ຂ່າວທົວໄປ

ນະຄອນຫຼວງວຽງຈັນ ຜູ້ມາກວດຫາເຊື້ອໂຄວິດ-19 ປິດລັບອາຊີບຕົນເອງເປັນສາເຫດເຮັດໃຫ້ມີການແຜ່ເຊື້ອຢ່າງຕໍ່ເນື່ອງ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ



ນະຄອນຫຼວງວຽງຈັນ ຜູ້ມາກວດຫາເຊື້ອໂຄວິດ-19 ປິດລັບອາຊີບຕົນເອງເປັນສາເຫດເຮັດໃຫ້ມີການແຜ່ເຊື້ອຢ່າງຕໍ່ເນື່ອງ

ທ່ານ ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ລາຍງານໃຫ້ຮູ້ໃນວັນທີ 16 ທັນວານີ້ ທີ່ກະຊວງສາທາລະນະສຸກວ່າ: ນະຄອນຫຼວງວຽງຈັນ ຍັງກວດພົບຜູ້ຕິດເຊື້ອໂຄວິດ-19 ໃໝ່ສູງເຖິງ 723 ຄົນ,​ ໃນນັ້ນ ພົ້ນເດັ່ນກວ່າໝູ່ກໍແມ່ນກຸ່ມນັກຮຽນ, ຄູ-ອາຈານ ຖັດລົງມາແມ່ນກຸ່ມກຳມະກອນແຮງງານ​, ພະນັກງານທະຫານ-ຕຳຫຼວດ, ລັດວິສາຫະກິດ, ບໍລິສັດ ເອກະຊົນ, ທະນາ ຄານ,​ ພະນັກງານສາທາລະນະສຸກ ແລະ ອື່ນໆ.

ສະນັ້ນ, ຮຽກຮ້ອງໃຫ້ທຸກທ່ານຈິງໃຈ ລະບຸອາຊີບຂອງຕົນໃຫ້ຈະແຈ້ງ ເພື່ອຄວາມສະດວກໃນການເກັບກຳ ແລະ ວິເຄາະຂໍ້ມູນໃນການຕິດຕາມຜູ້ສຳຜັດໃກ້ຊິດ C1, ສໍາລັບຜູ້ໃດທີ່ໄດ້ໃກ້ຊິດກັບຜູ້ຕິດເຊື້ອສິ່ງທີ່ທ່ານຕ້ອງເຮັດທັນທີ: ຄືແຍກຕົວເອງຈາກຄົນອື່ນ, ແຍກບ່ອນນອນ, ແຍກຫ້ອງນໍ້າ ຖ້າມີເງື່ອນໄຂ, ບໍ່ກິນເຂົ້າຮ່ວມກັບຄົນອື່ນ, ແຍກເຄື່ອງໃຊ້ສ່ວນຕົວ, ສ່ວນຄອບຄົວຄວນອະນາໄມຂ້າເຊື້ອທຸກຈຸດທີ່ມີຫຼາຍຄົນໄດ້ສໍາຜັດຈັບບາຍເພື່ອທຸກຄົນຈະບໍ່ກາຍເປັນກຸ່ມສ່ຽງສູງ,ນອກນັ້ນຕ້ອງຕິດຕາມອຸນຫະພູມ ແລະ ຈົດບັນທຶກເອົາໄວ້, ໃສ່ຜ້າປິດປາກ-ດັງ ຢ່າງຖືກຕ້ອງຕະຫຼອດເວລາ, ໝັ່ນລ້າງມືເລື້ອຍໆ, ສໍາລັບທ່ານທີ່ມາກວດພະຍາດໂຄວິດແລ້ວໄລຍະລໍຖ້າຜົນກວດ ທ່ານຄວນກັກຕົນເອງຢ່າງເຂັ້ມງວດ.

ເມື່ອທ່ານຖືກແຈ້ງວ່າຜົນກວດເປັນລົບທ່ານຄວນໄດ້ຕິດຕາມຕົນເອງຕໍ່ໄປ ແລະ ຫຼີກລ່ຽງການໄປສໍາຜັດກັບຄວາມສ່ຽງຄັ້ງໃໝ່.ແຕ່ຖ້າຫາກທ່ານຖືກແຈ້ງວ່າທ່ານຕິດເຊື້ອແລ້ວນັ້ນ ກ່ອນທີ່ທາງທີມງານແພດໝໍຈະໄປຮັບ ທ່ານຍັງຕ້ອງປະຕິບັດມາດຕະການດັ່ງທີ່ໄດ້ກ່າວມາຂ້າງເທິງ.​

ສຳລັບຜູ້ທີ່ສະໝັກໃຈປິ່ນປົວຕົນເອງຢູ່ເຮືອນ ເມື່ອທ່ານຮູ້ສຶກບໍ່ສະບາຍ ຫຼື ມີພະຍາດປະຈຳໂຕ ຫຼື ຫາຍໃຈຝືດ ຫຼື ເປັນຜູ້ສູງອາຍຸ ທ່ານສາມາດໂທສອບຖາມສາຍດ່ວນ 164 ຂໍຄຳແນະນຳ ແລະ ປະສານນຳທີມແພດ ເພື່ອນຳສົ່ງໄປປິ່ນປົວໃຫ້ທັນເວລາຢູ່ໂຮງໝໍທີ່ກຳນົດໄວ້.ເພື່ອຊອກຄົ້ນຫາພະຍາດໃຫ້ໄດ້ໄວທີ່ສຸດ, ກະຊວງສາທາລະນະສຸກຈຶ່ງໄດ້ອະນຸມັດໃຫ້ນໍາໃຊ້ຊຸດກວດແບບໄວໂດຍນຳໃຊ້ຕາມທີ່ອົງການອະນາໄມໂລກຮັບຮອງໃນເຫດການພາວະສຸກເສີນເທົ່ານັ້ນ, ປັດຈຸບັນມີຫຼາຍພາກສ່ວນໄດ້ສວຍໂອກາດອອກມາໂຄສະນາຂາຍໂດຍສະເພາະໃນສື່ສັງຄົມອອນລາຍຕ່າງໆ ຊຶ່ງການນຳໃຊ້ນັ້ນຕ້ອງໄດ້ຄຳນຶງເຖິງຄຸນນະພາບ ແລະ ປະສິດຕິພາບ ອີກດ້ວຍ ເພາະອາດຈະໃຫ້ຜົນລົບປອມໄດ້.

ພ້ອມດຽວກັນນັ້ນການນຳໃຊ້ຊຸດເຄື່ອງກວດທີ່ບໍ່ໄດ້ຮັບການອະນຸມັດຈາກກະຊວງສາທາລະນະສຸກຖືວ່າເປັນການກະທໍາທີ່ຜິດຕໍ່ລະບຽບກົດໝາຍເພາະຊຸດກວດທີ່ນໍາມາຂາຍອາດເປັນຂອງປອມ, ບໍ່ໄດ້ມາດຕະຖານ ແລະ ທີ່ສໍາຄັນທີ່ສຸດ ການເກັບມ້ຽນສິ່ງເສດເຫຼືອ-ຂີ້ເຫຍື້ອ ຈາກການນໍາໃຊ້ຊຸດກວດແບບໄວ້ນີ້ ແມ່ນຕ້ອງໄດ້ປະຕິບັດຢ່າງເຄັ່ງຄັດ ຖ້າເຮັດບໍ່ຖືກຕ້ອງຈະສາມາດແຜ່ເຊື້ອໄປສູ່ຄົນອ້ອມຂ້າງຕື່ມອີກ.

Related Articles

Leave a Reply

Your email address will not be published.

Back to top button