ຂ່າວທົວໄປ

ທົ່ວໂລກ ມີຜູ້ເສຍຊີວິດຈາກໂຄວິດ-19 ຫລາຍກວ່າ5,28ລ້ານຄົນ

ທົ່ວໂລກ ມີຜູ້ເສຍຊີວິດຈາກໂຄວິດ-19 ຫລາຍກວ່າ5,28ລ້ານຄົນ

ຕາມເວັບໄຊສະຖິຕິ worldometers.info ແລ້ວ, ນັບ​ຈົນ​ມາຮອດ ວັນທີ8 ທັນວານີ້, ທົ່ວໂລກ ມີຜູ້ຕິດເຊື້ອພະຍາດໂຄວິດ-19 ທັງໝົດກວ່າ 267 ລ້ານຄົນ ແລະ ມີຜູ້ເສຍຊີວິດກວ່າ 5,28 ລ້ານຄົນ.​ໃນ​ນີ້ ສ.ອາເມລິກາ ຍັງຄົງແມ່ນປະເທດ ຖືກຜົນສະທ້ອນ ຢ່າງໜັກໜ່ວງ ທີ່ສຸດ

ຈາກໂລກ ລະບາດ, ຖັດຈາກນັ້ນແມ່ນ ອິນເດຍ ແລະ ບຣາຊິນ ຕາມ​ລຳດັບ. ຂະນະ​ທີ່ ຍີ່ປຸ່ນ ສືບຕໍ່ຢັ້ງຢືນ ມີຜູ້ຕິດເຊື້ອ ໂຄວິດ-19 ລາຍໃໝ່ ຢູ່ໃນລະດັບຕ່ຳ​ແລະ ກວດພົບ ຜູ້ຕິດເຊື້ອໄວຣັດ ກາຍພັນ Omicron ເປັນກໍລະນີທີ 3​ແລ້ວ.

ສ່ວນຢູ່ ເອີຣົບ, ວົງການການແພດ ອັງກິດ ໄດ້ຢັ້ງຢືນວ່າ: ອັງກິດ ມີຜູ້ຕິດ ເຊື້ອ Omicron ຕື່ມອີກ 90 ຄົນ, ອັນໄດ້ຍົກ ຈຳນວນ ຜູ້ຕິດເຊື້ອໄວຣັດ ສາຍພັນດັ່ງກ່າວ ຂຶ້ນເປັນ 336 ຄົນ,

ນອກຈາກ​ນີ້ ຝລັ່ງ ຍັງກວດພົບຜູ້​ຕິດ​ເຊື້ອ​ແລ້ວ 25 ຄົນ ​ແລະ ​ເຊື້ອ​ພະຍາດ​ ກາຍ​ພັນ​ດັ່ງກ່າວ ພວມ​ແຜ່​ລະບາດ ​ເກືອບ 50 ​ປະ​ເທດ​ທົ່ວ​ໂລກ./.

ຈາກ: ຂປລ

ຮຽບຮຽງ​ຂ່າວ​ໂດຍ ສະ​ໄຫວ ລາດ​ປາກ​ດີ

Related Articles

Leave a Reply

Your email address will not be published. Required fields are marked *

Back to top button