ຂ່າວທົວໄປ

ໄທກຽມເພີ່ມຊ່ອງທາງເຂົ້າປະເທດ “ທາງບົກ-ທາງເຮືອ” ທ້າຍເດືອນໜ້າ

ໄທກຽມເພີ່ມຊ່ອງທາງເຂົ້າປະເທດ “ທາງບົກ-ທາງເຮືອ” ທ້າຍເດືອນໜ້າ.

ທາງການໄທກຽມເພີ່ມຊ່ອງທາງເຂົ້າປະເທດຜ່ານ “ທາງບົກ-ທາງເຮືອ” ໂດຍຈະທົດລອງເປີດດ່ານໜອງຄາຍ ໃນວັນທີ 24 ທັນວາທີ່ຈະມາເຖິງນີ້ ພ້ອມນະໂຍບາຍສຳລັບເດັກທີ່ມີອາຍຸຕໍ່າກວ່າ 6 ປີ ທີ່ເດີນທາງໄປກັບຜູ້ປົກຄອງ ບໍ່ຈຳເປັນຕ້ອງມີຜົນກວດ RT-PCR ກ່ອນເດີນທາງ.

ຜູ້ທີ່ມີຈຸດປະສົງເດີນທາງເຂົ້າປະເທດໄທຜ່ານດ່ານພົມແດນໜອງຄາຍ ສາມາດຜ່ານໄດ້ສອງຊ່ອງທາງ ຄື ທາງບົກ ແລະ ທາງເຮືອ ໂດຍຕ້ອງມີຜົນກວດໂຄວິດ 72 ຊົ່ວໂມງກ່ອນອອກເດີນທາງ ແລະທຸກຄົນຕ້ອງໄດ້ສັກວັກຊີນຄົບສອງເຂັມ.

ສຳລັບຜູ້ເດີນທາງດ້ວຍເຮືອ ຕ້ອງມີລາຍງານຕິດຕາມບໍ່ພົບອາການຕິດເຊື້ອໂຄວິດທັງລູກເຮືອ ແລະຜູ້ໂດຍສານ, ພ້ອມມີລະບົບລົງທະບຽນ ຫຼື ລົງທະບຽນຜ່ານລະບົບ Thailand Pass ແລະຕ້ອງໄດ້ຮັບການອະນຸມັດກ່ອນເຂົ້າທຽບທ່າ, ພ້ອມກວດຫາເຊື້ອໂຄວິດ-19 ອີກຄັ້ງໜຶ່ງພາຍຫຼັງເຮືອຈອດທຽບທ່າ ຖ້າບໍ່ມີເຊື້ອໂຄວິດຈິ່ງສາມາດເດີນທາງຕໍ່ໄດ້.

ສຳລັບການເດີນທາງເຂົ້າປະເທດໄທມີທັງແບບ Test and Go, Sandbox ແລະ Quarantine; ໃນສ່ວນຂອງ Test and Go ແມ່ນບໍ່ຈຳເປັນຕ້ອງກັກຕົວ ແລະບໍ່ຈຳເປັນຕ້ອງໃຊ້ຫຼັກຖານການຈ່າຍຄ່າທີ່ພັກເຊົາ, ສ່ວນ Sandbox Programme ພື້ນທີ່ທົດລອງການທ່ອງທ່ຽວ ແມ່ນຕ້ອງໄດ້ພັກເຊົາໃນພື້ນທີ່ Sandbox ເປັນເວລາ 5 ວັນ ແລະມີຫຼັກຖານການຈ່າຍຄ່າທີ່ພັກໃນພື້ນທີ່ນັ້ນໆ.

ຢ່າງໃດກໍຕາມ, ສຳລັບຂັ້ນຕອນລາຍລະອຽດຕ່າງໆ ທາງການຈະແຈ້ງໃຫ້ຮູ້ຕື່ມໃນໄວໆນີ້.

ຂໍ້ມູນຈາກ: ເວັບໄຊ ໄທພີບີເອັສ

Related Articles

Leave a Reply

Your email address will not be published. Required fields are marked *

Back to top button