ຂ່າວທົວໄປ

ອອງຊານ ຊູຈີ ກຽມຂຶ້ນສານເພື່ອຟັງຄໍາຕັດສິນການພິຈາລະນາຄະດີ

ອອງຊານ ຊູຈີ ກຽມຂຶ້ນສານເພື່ອຟັງຄໍາຕັດສິນການພິຈາລະນາຄະດີ

ສໍານັກຂ່າວຕ່າງປະເທດ ໄດ້ລາຍງານວ່າ: ທ່ານ ອອງຊານ ຊູຈີ ອາດີດຜູ້ນໍາມຽນມາອາດຈະໄດ້ຟັງຄໍາຕັດສິນໃນຄະດີຍຸຍົງເຮັດໃຫ້ເກີດຄວາມປັ່ນປ່ວນ ໃນວັນທີ 30 ພະຈິກ 2021  ແລະ ຖືເປັນຄໍາພິພາກສາຄັ້ງທໍາອິດຈາກຄະດີຄວາມຈໍານວນຫຼາຍທີ່ຖືກຕັດສິນໂດຍລັດຖະບານທະຫານ  ທີ່ອາດເຮັດໃຫ້ ທ່ານ ອອງຊານ ຊູຈີ ຕິດຄຸກເປັນເວລາຫຼາຍສິບປີ.

ນັກວິເຄາະໄດ້ກ່າວວ່າເຖິງຢ່າງໃດກໍຕາມຍັງບໍ່ມີໃຜຮູ້ວ່າລັດຖະບານທະຫານມີແຜນການກັບທ່ານ ອອງຊານ ຊູຈີ ຫຼື ບໍ່ ແລະ ທາງການອາດຈະເລື່ອນການຟັງຄໍາຕັດສິນອອກໄປ. ທັງນີ້ນັກຂ່າວຖືກຫ້າມບໍ່ໃຫ້ເຂົ້າຮ່ວມສັງເກດການໃນການພິຈາລະນາຄະດີ ແລະ ທະນາຍຄວາມຂອງທ່ານ ອອງຊານ ຊູຈີ ຍັງຖືກຫ້າມໃຫ້ໂອ້ລົມ ຫຼື ໃຫ້ສໍາພາດກັບສື່ມວນຊົນອີກດ້ວຍ.

ລັດຖະບານທະຫານຍັງຄົງມີການຟ້ອງຮ້ອງທ່ານ ອອງຊານ ຊູຈີ ເພີ່ມຂຶ້ນເລື້ອຍໆ ລວມເຖິງການລະເມີດກົດໝາຍຄວາມລັບທາງລັດຖະການເຊັ່ນ: ການສໍ້ລາດບັງຫຼວງ ແລະ ການທຸຈະລິດການເລືອກຕັ້ງ.

ໃນຕອນນີ້ ທ່ານ ອອງຊານ ຊູຈີ ໄດ້ປາກົດໂຕທີ່ຫ້ອງພິຈາລະນາຄະດີເກືອບທຸກມື້ ແລະ ການຕິດຕໍ່ກັບໂລກພາຍນອກຂອງທ່ານ ອອງຊານ ຊູຈີ ຖືກຈໍາກັດໃຫ້ໜ້ອຍລົງ.

Related Articles

Leave a Reply

Your email address will not be published.

Back to top button