ຂ່າວທົວໄປ

ຄະນະຜູ້ແທນກອງປະຊຸມສະໄໝສາມັນເທື່ອທີ 2 ຂອງສະພາ ແຫ່ງຊາດ ຊຸດທີ IX ຢ້ຽມຢາມ ແລະ ທົດລອງຂີ່ລົດໄຟ ຂະບວນລ້ານຊ້າງ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ



ຄະນະຜູ້ແທນກອງປະຊຸມສະໄໝສາມັນເທື່ອທີ 2 ຂອງສະພາ
ແຫ່ງຊາດ ຊຸດທີ IX ຢ້ຽມຢາມ ແລະ ທົດລອງຂີ່ລົດໄຟ ຂະບວນລ້ານຊ້າງ

ຂປລ. ໃນວັນທີ 17 ພະຈິກ 2021 ນີ້, ຄະນະຜູ້ແທນ ກອງປະຊຸມສະໄໝສາມັນ ເທື່ອທີ 2 ຂອງສະພາແຫ່ງຊາດ ຊຸດທີ IX ນຳໂດຍ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ແລະ ບັນດາສະມາຊິກສະພາແຫ່ງຊາດປະຈຳເຂດເລືອກຕັ້ງຕ່າງໆ

ໄດ້ເດີນທາງໄປຢ້ຽມຢາມໂຄງການລົດໄຟລາວ-ຈີນ ແລະ ທົດລອງຂີ່ລົດໄຟຂະບວນລ້ານຊ້າງ ຈາກສະຖານີນະຄອນຫລວງວຽງຈັນ ເຖິງສະຖານີວັງວຽງ ແຂວງວຽງຈັນ ພາຍຫລັງສຳເລັດການດຳເນີນກອງປະຊຸມ ສະໄໝສາມັນເທື່ອທີ 2 ຂອງສະພາແຫ່ງຊາດ ຊຸດທີ IX.

ສະມາຊິກສະພາແຫ່ງຊາດ ບາງເຂດເລືອກຕັ້ງ ໄດ້ໃຫ້ສຳພາດວ່າ: ມີຄວາມພາກພູມໃຈ ແລະ ດີໃຈຫລາຍ ທີ່ໄດ້ມີໂອກາດມາຂີ່ລົດໄຟໃນຄັ້ງນີ້, ເຊິ່ງເປັນຂະບວນລົດໄຟ ທໍາອິດ ຂອງ ສປປ ລາວ,

ຖືເປັນຄັ້ງປະຫວັດສາດ. ພາຍຫລັງເປີດນ້ຳໃຊ້ຢ່າງເປັນທາງການແລ້ວ, ຈະເປັນຜົນດີຫລາຍຢ່າງໃຫ້ແກ່ສັງຄົມ ກໍຄື ປະຊາຊົນລາວບັນດາເຜົ່າ ໄດ້ໄປມາຫາສູ່ເຊິ່ງກັນ ແລະ ກັນ ຢ່າງສະດວກສະບາຍ ແລະ ປະຢັດເວລາ, ທັງເປັນຜົນດີຕໍ່ການພັດທະນາເສດຖະກິດ-ສັງຄົມ ຂອງ ສປປ ລາວ,

ເຊິ່ງຈະເປັນຂົວຕໍ່ໃນການດຶງດູດເອົານັກທ່ອງທ່ຽວຕ່າງປະເທດ ເຂົ້າມາທ່ອງທ່ຽວ ສປປ ລາວ ຫລາຍຂຶ້ນ, ທັງດຶງດູດເອົານັກລົງທຶນ ເຂົ້າມາລົງທຶນໃນຂະແໜງການຕ່າງໆເພີ່ມຂຶ້ນ, ລວມເຖິງການນຳເຂົ້າ ແລະ ສົ່ງອອກສິນຄ້າ ຈາກແຂວງ-ແຂວງ, ເມືອງ-ເມືອງ, ຈາກ ລາວ ໄປ ຈີນ ໄດ້ຢ່າງສະດວກສະບາຍ, ວ່ອງ ໄວ ແລະ ປະຢັດເວລາ.

ທາງລົດໄຟ ລາວ-ຈີນ ຖືກອອກແບບໃຫ້ມີຄວາມໄວ 160 ກິໂລແມັດຕໍ່ຊົ່ວໂມງ, ສະເພາະໄລຍະເວລາການກວດກາເຕັກນິກເຄື່ອນທີ່ນັ້ນ, ລົດໄຟຈະເລີ່ມທົດລອງແລ່ນໃນຄວາມໄວ 80 ກິໂລ ແມັດຕໍ່ຊົ່ວໂມງ ແລະ ຄ່ອຍຍົກລະດັບຄວາມໄວຂຶ້ນຕາມການອອກແບບ ຈົນຮອດຄວາມໄວສູງສຸດ 176 ກິໂລແມັດຕໍ່ຊົ່ວໂມງ. ສະເພາະ ລົດໄຟຂະບວນລ້ານຊ້າງ, ມີທັງໝົດ 9 ຕູ້, ເຊິ່ງລວມມີ: ຕູ້ລົດ ໄຟທີ່ຂັບເຄືື່ອນໄດ້ເອງ 1 ຕູ້,

ຕູ້ລົດໂດຍສານຊັ້ນ 1 ແລະ ຕູ້ຫ້ອງອາຫານ 1 ຕູ້, ຕູ້ລົດໂດຍສານຊັ້ນສອງ 6 ຕູ້, ທັງໝົດສາມາດບັນຈຸໄດ້ 720 ຄົນ ແລະ ສາມາດເຊື່ອມຕໍ່ສອງຂະບວນລົດໄຟໄດ້ໃນເວລາທີ່ຕ້ອງການ.

ໂຄງການກໍ່ສ້າງທາງລົດໄຟ ລາວ-ຈີນ ມີສະຖານີລົດໄຟທັງໝົດ 33 ສະຖານີ. ໃນນີ້, ມີສະ ຖານີໂດຍສານ ແລະ ສິນຄ້າລວມຢູ່ນຳກັນ 11 ແຫ່ງ, ສະຖານີສິນຄ້າສະເພາະ 1 ແຫ່ງຢູ່ນະ ຄອນຫລວງວຽງຈັນ, ມີຈຸດສະຫລັບລາງ ແລະ ຈຸດຫລີກ ທັງໝົດ 284 ແຫ່ງ.

ຂ່າວ: ທະນູທອງ
ພາບ: ເກດສະໜາ

Related Articles

Leave a Reply

Your email address will not be published.

Back to top button