ຂ່າວທົວໄປ

ບຸນທາດຫຼວງປີນີ້, ບໍ່ມີການຄົບງັນ ບໍ່ມີງານວາງສະແດງສິນຄ້າ ບໍ່ມີການໃສ່ບາດຕາມເດີນສະໜາມຫຼວງ

ວາລະງານບຸນນະມັດສະການພະທາດຫລວງ ປະຈຳປີ 2021 (ເນັ້ນເຮັດຕາມຮີດຄອງປະເພນີ) ບໍ່ມີການຄົບງັນ ບໍ່ມີງານວາງສະແດງສິນຄ້າ ບໍ່ມີການໃສ່ບາດຕາມເດີນສະໜາມຫຼວງ ເດີ່ນກົມມະລຽນດ້ານໃນ ແລະ ດ້ານນອກຂອງພະທາດຫຼວງວຽງຈັນ ຄືທຸກປີທີ່ຜ່ານມາ

ພ້ອມນັ້ນຍັງມີການຈໍາກັດພະສົງ ແລະ ມວນຊົນເຂົ້າຮ່ວມບໍ່ໃຫ້ເກີນ 50 ຄົນ ແລະ ແຕ່ລະພິທີສໍາຄັນຈະໃຊ້ເວລາສັ້ນກະທັດຮັດທີ່ສຸດ.

-ວັນພຸດ ວັນທີ 17 ພະຈິກ 2021ສູດປະລິຕະມູງຄຸນ ຫຼື ສູດເປີດທາດ (ຈໍາກັດພະສົງ ແລະ ແຂກທີ່ເຂົ້າ) ໃຊ້ເວລາຢູ່ 1 ຊົ່ວໂມງ ຫຼັງຈາກນັ້ນຈະໄດ້ປິດປະຕູທາດໄວ້.

-ວັນພະຫັດ ວັນທີ 18 ພະຈິກ ກົງກັບມື້ຂຶ້ນ 14 ຄໍ່າ ເດືອນ 1 ລາວ ເວລາ 14:00 ໂມງເຄນຜາສາດເຜິ້ງຈາກ 4 ເມືອງໃນ ຈໍານວນ 8 ຫຼັງ ໃຫ້ກັບພະສົງເປັນອົນຈົບພິທີ (ຈະບໍ່ມີພິທີແຫ່ຄືຜ່ານມາ)

-ວັນສຸກ ວັນທີ 19 ພະຈິກ ກົງກັບມື້ຂຶ້ນ 15 ຄໍ່າ ເດືອນ 1 ລາວ ຄືທຸກປີທີ່ຜ່ານມາຈະມີພິທີໃສ່ບາດ ແຕ່ສະເພາະປີນີ້ແມ່ນບໍ່ມີພິທີໃສ່ບາດ ມີແຕ່ອະນຸຍາດໃຫ້ວັດທີ່ຢູ່ໃນຂອບເຂດສະໜາມຫຼວງຄື:ວັດທາດຫຼວງເໜືອ ແລະ ວັດທາດຫຼວງໃຕ້

ເປີດບາດຮັບເອົາຍາດໂຍມທີ່ຢູ່ບ້ານໃກ້ມາໃສ່ແລ້ວກໍ່ໃຫ້ກັບ ບໍ່ໃຫ້ນັ່ງຟັງທໍາມະເທສະໜາ ໝາຍຄວາມວ່າມາໃສ່ບາດແລ້ວໃຫ້ກັບບ້ານເລີຍ ແລະ ໃນຕອນບ່າຍມື້ດຽວກັນແມ່ນບໍ່ມີພິທີແຫ່ຄີ ແລະ ຕີຄີ ແຕ່ຈະມີພິທີຄອບໄຂວລູກຄີ ຖືວ່າເປັນອັນຈົບ.

ຕອນຄໍ່າເວລາ 19:00 ໂມງ ຈະມີພິທີວຽນທຽນ ໃນນີ້ໄດ້ກໍານົດພະສົງ ແລະ ແຂກຖືກເຊີນເຂົ້າຮ່ວມບໍ່ເກີນ 50 ຄົນເທົ່ານັ້ນ ຈະໄດ້ມີການປິດປະຕູບໍ່ອະນຸຍາດໃຫ້ເຂົ້າ ແລະ ເວລາ 21:00 ໂມງ ຈະມີພິທີຈຸດບັ້ງໄຟບູຊາພະທາດຫຼວງວຽງຈັນ ແລ້ວຖືວ່າເປັນອັນຈົບພິທີ.

Related Articles

Leave a Reply

Your email address will not be published. Required fields are marked *

Back to top button