ຂ່າວທົວໄປ

ອົງການກາແດງ​ ກະກຽມເຄື່ອງໃຫ້ກາແດງ​ 2​ ແຂວງ​ ເພື່ອຊ່ວຍເຫລືອປະຊາຊົນຜູ້ທຸກຍາກ​ ລວມມູນຄ່າ​ 700 ລ້ານກວ່າກີບ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ



ອົງການກາແດງ​ ກະກຽມເຄື່ອງໃຫ້ກາແດງ​ 2​ ແຂວງ​ ເພື່ອຊ່ວຍເຫລືອປະຊາຊົນຜູ້ທຸກຍາກ​ ລວມມູນຄ່າ​ 700 ລ້ານກວ່າກີບ

ພິທີມອບ-ຮັບ ແລະ ຈັດສົ່ງເຄື່ອງໃຫ້ກາແດງແຂວງວຽງຈັນ​ ແລະ​ ກາແດງແຂວງບໍລິຄຳໄຊ​ ໄດ້ຈັດຂຶ້ນໃນວັນທີ 9 ພະຈິກ 2021​ ທີ່ສາງກາແດງຫລັກ​ 16,​ ນະຄອນຫລວງວຽງຈັນ​ ໃຫ້ກຽດກ່າວມອບໂດຍ ທ່ານ ຮສ.ດຣ. ພູທອນ ເມືອງປາກ ປະທານອົງການກາແດງລາວ ແລະ ຮັບໂດຍ ທ່ານ ນາງ ວັນເພັງ ໄຊສົງຄາມ ຫົວຫນ້າກາແດງແຂວງ ບໍລິຄຳໄຊ ພ້ອມດ້ວຍ ທ່ານ ດຮ.ບຸນເນົາ ພະຈອມພົນ ຫົວຫນ້າອົງການກາແດງແຂວງວຽງຈັນ.​

ເຄື່ອງທີ່ຈັດສົ່ງໄປໃນຄັ້ງນີ້ປະກອບມີ: ເຄື່ອງນຸ່ງຫົ່ມປະສົມ ປະເພດ ໂສ້ງ, ເສື້ອ ແລະ ເກີບ ເຊິ່ງໄດ້ມອບໃຫ້ອົງການກາແດງແຂວງບໍລິຄຳໄຊ ຈຳນວນ 150 ແກັດ ໃນນັ້ນ, ມີເຄື່ອງນຸ່ງຫົ່ມປະສົມຈຳນວນ 50 ແກັດ, ເກີບ 100 ແກັດ ແລະ ມອບໃຫ້ອົງການກາແດງແຂວງ ວຽງຈັນ 200 ແກັດ ມີເຄື່ອງນຸ່ງຫົ່ມປະສົມ 100 ແກັດ ແລະ ເກີບຈຳນວນ 100 ແກັດ, ເຊິ່ງເປັນຜະລິດຕະພັນຂອງ ຟີລາ (FILA) ແລະ ໄດ້ຮັບການສະໜັບສະໜູນຈາກກາແດງ ສ.ເກົາຫຼີ ລວມມູນຄ່າ 711,550,000 ກີບ​ ເພື່ອນຳໄປແຮໄວ້ເພື່ອໃຫ້ການຊ່ວຍເຫຼືອປະຊາຊົນຜູ້ທຸກຍາກພາຍໃນແຂວງໄດ້ຢ່າງທັນເວລາ.​

ໃນຕອນທ້າຍ, ທ່ານຫົວໜ້າອົງການກາແດງແຂວງທັງສອງທ່ານ ກໍ່ໄດ້ສະແດງຄວາມຂອບໃຈ ຕໍ່ຄະນະນຳອົງການກາແດງລາວ​ ທີ່ເຫັນໄດ້ເຖິງຄວາມສຳຄັນໃນວຽກງານການຊ່ວຍເຫຼືອບັນເທົາທຸກ ລົງສູ່ທ້ອງຖິ່ນ, ແລະ ໃຫ້ຄຳໝັ້ນສັນຍາວ່າ ສຳລັບເຄື່ອງຈຳນວນດັ່ງກ່າວທາງອົງການກາແດງແຂວງວຽງຈັນ ແມ່ນຈະໄດ້ນຳໄປມອບໃຫ້ໂຮງກິນ-ນອນຊົນເຜົ່າ ແລະ ປະຊາຊົນຜູ້ທີ່ທຸກຍາກ ແລະ ປະສົບໄພພິບັດພາຍໃນແຂວງ, ສ່ວນແຂວງບໍລິຄຳໄຊ ແມ່ນຈະໄດ້ໄປຊ່ວຍເຫຼືອຜູ້ທຸກຍາກ, ຜູ້ດ້ອຍໂອກາດຢູ່ພາຍໃນແຂວງເຊັ່ນດຽວກັນ ແລະ ຈະນຳໃຊ້ເຄື່ອງທີ່ໄດ້ຮັບໃນຄັ້ງນີ້ ໃຫ້ປະຊາຊົນ ໄດ້ຮັບຜົນປະໂຫຍດທີ່ສຸດ.

ຂ່າວ: ກາແດງລາວ

Related Articles

Leave a Reply

Your email address will not be published.

Back to top button